Na hałoŭnaha redaktara «Rehijanalnaj haziety» Alaksandra Manceviča zaviali kryminalnuju spravu. Jaho pieravodziać u SIZA
Jak stała viadoma Biełaruskaj asacyjacyi žurnalistaŭ, suprać zasnavalnika i hałoŭnaha redaktara «Rehijanalnaj haziety» Alaksandra Manceviča zaviali kryminalnuju spravu. U čym vinavaciać redaktara, nieviadoma — z advakata była ŭziataja padpiska ab nierazhałošvańni.
Alaksandra Manceviča zatrymali padčas chvali pieratrusaŭ u rehijanalnych miedyja 15 sakavika. Z taho času jon zastajecca za kratami. Ciapier Alaksandra pieraviaduć u śledčy izalatar.
Alaksandru Manceviču — 64 hady, jon nieadnarazovy pieramožca žurnalisckich konkursaŭ i premij za vysokija standarty pracy. «Rehijanalnaja hazieta» da razhromu była viadučym niezaležnym miedyja Maładziečna i rehijona.
Dvoje druhich zatrymanych u toj dzień pradstaŭnikoŭ miedyja — hałoŭny redaktar «Infa-kurjera» (Słuck) Siarhiej Stankievič i jaho namieśnik Aleh Rubčenia — praciahvajuć adbyvać 15-sutkavyja aryšty za nibyta niepadparadkavańnie milicyi.
Pa padlikach Biełaruskaj asacyjacyi žurnalistaŭ, za kratami ŭ Biełarusi ciapier 36 pradstaŭnikoŭ miedyja.
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary