Bałharyja zaklikała da pieramoŭ paśla słoŭ Pucina pra jadziernuju zbroju ŭ Biełarusi
U Safii nazvali situacyju ź biaśpiekaj «usio bolš i bolš niebiaśpiečnaj» i zaklikali da pieramoŭ pamiž Maskvoj i Kijevam paśla abviaščeńnia ab raźmiaščeńni Rasijaj jadziernaj zbroi ŭ Biełarusi.
Vice-prezident Bałharyi Ilijana Jotava zaklikała da pieramoŭ pamiž Rasijaj i Ukrainaj u suviazi z zajavaj prezidenta RF Uładzimira Pucina ab raźmiaščeńni ŭ Biełarusi rasijskaj jadziernaj zbroi. Pra heta paviedamiła ahienctva dpa ŭ niadzielu, 26 sakavika.
Pa słovach Jotavaj, situacyja stanovicca «ŭsio bolš i bolš niebiaśpiečnaj», i tamu jany z prezidentam Bałharyi Rumienam Radzievym nieadnarazova zaklikali da pieramoŭ. «Heta nie pustyja słovy», — padkreśliła Jotava, dadaŭšy, što bolšaja kolkaść uzbrajeńniaŭ va ŭsich krainach pryvodzić da niepradkazalnych rašeńniaŭ i na praktycy pahražaje surjoznaj vajnoj.
«Ja spadziajusia, što rozum usio ž pieramoža i što havorka idzie chutčej pra pahrozy, čym pra realnyja dziejańni», — dadała Jotava.
Raniej stała viadoma, što Maskva i Minsk damovilisia raźmiaścić taktyčnuju jadziernuju zbroju na terytoryi Biełarusi.
Ministerstva abarony ZŠA paviedamiła, što niama nijakich prykmiet, jakija pakazvali b na toje, što Rasija rychtujecca ŭžyć jadziernuju zbroju.
Kizim pra jadziernuju zbroju ŭ Biełarusi: Zrazumieła, navošta heta Pucinu, ale navošta biełarusam?
«Z dapamohaj «jadziernaj dubinki» Pucin choča pakazać usiamu śvietu, što impieryja viarnułasia»
Dva dyktatary, jakija zahulalisia ŭ vajnu, zrabili ź Biełarusi cel dla ŭdaru — Cichanoŭskaja
Vajskovy analityk: rašeńnie rasijskaha kamandavańnia pačać zimovy nastup było pamyłkaj i padarunkam dla Ukrainy
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary