U Aŭstryi biełarusa asudzili za kradziež z kramy hulniaŭ dla PlayStation
U Aŭstryi prajšoŭ sud nad 46-hadovym biełarusam, jaki vosieńniu 2022 hoda sprabavaŭ biez apłaty vynieści z kramy hulni dla PlayStation i nanios cialesnyja paškodžańni supracoŭniku. Pra heta piša belmir.by.
Naš suajčyńnik pieršy raz uvajšoŭ u pamiaškańnie kramy Media Markt u horadzie Sankt-Pielten 31 kastryčnika, a zatym znoŭ naviedaŭsia tudy, ale ŭžo źmianiŭšy adzieńnie. Ź dźviuma hulniami PlayStation pad kurtkaj jon prajšoŭ mima kas, nie apłaciŭšy tavary. Adnak za mužčynam užo naziraŭ supracoŭnik słužby achovy, jaki i zaharadziŭ jamu darohu pierad vychadam.
Pavodle viersii abvinavačvańnia, tam parušalnik pavaliŭ achoŭnika šturškom u tvar, a zatym udaryŭ lažačaha łokciem pa rebrach. Dalej jon pasprabavaŭ uciačy z kramy praz zapasny vychad, ale achoŭnik schapiŭ jaho zzadu za vopratku. Biełarus znoŭ staŭ vyryvacca, adnak z dapamohaj inšych ludziej jaho zatrymali. U vyniku achoŭnik atrymaŭ ranku na nosie i dźvie złamanyja rabryny.
Naš suajčyńnik pryznaŭ, što sapraŭdy chacieŭ ździejśnić kradziež. Ale jon zajaviŭ, što nie supraciŭlaŭsia, kali jaho spyniali, a prosta spałochaŭsia, ubačyŭšy supracoŭnika kramy, i chacieŭ uciačy. Advakat zatrymanaha padkreśliła, što nivodzin sa śviedak nie kazaŭ pra metanakiravanyja ŭdary, i havorka idzie chutčej pra nastupstvy baraćby, jakaja adbyvałasia.
Urešcie biełarusa pryznali vinavatym u sprobie ździajśnieńnia kradziažu i naniasieńni paškodžańniaŭ achoŭniku — a mienavita, ranki na nosie. Što tyčycca pierałomu rebraŭ, to pryčynieńnie hetaj traŭmy nie mahło być adnaznačna dakazanaje jak vina zatrymanaha, i pa hetym punkcie mužčynu apraŭdali.
Kančatkovy prysud — turemnaje źniavoleńnie na 5 miesiacaŭ umoŭna z vyprabavalnym terminam u 3 hady.
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda20
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy88
Kamientary