Redaktarku BT asudzili na try hady «chatniaj chimii» za ŭdzieł u akcyjach pratestu ŭ 2020 hodzie
U sudzie Leninskaha rajona Minska 6 sakavika asudzili Kaciarynu Broŭku pavodle č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich) Kryminalnaha kodeksa. Sudździa Maryna Klimčuk pryznačyła Kaciarynie try hady abmiežavańnia voli biez nakiravańnia ŭ papraŭčuju ŭstanovu adkrytaha typu (h. zn. «chatniuju chimiju»), piša «Viasna».
Žančynu abvinavacili va ŭdziele ŭ niadzielnych akcyjach pratestu ŭ Minsku ŭ 2020 hodzie. Jana razam sa svaim partnioram dałučałasia da kałony pratestoŭcaŭ. U Kaciaryny byŭ z saboju bieł-čyrvona-bieły ściah. Jaje apaznali pa fotazdymkach i videazapisach z pratestaŭ. Ich rabiŭ chłopiec Kaciaryny na svoj mabilny telefon. Paśla fajły zachoŭvaŭ na noŭtbuku, jaki padčas zatrymańnia byŭ kanfiskavany siłavikami.
Na sudzie słuchali pakazańni śviedki, jakoj była maci Kaciaryny Broŭki.
Kaciaryna Broŭka maje vyšejšuju adukacyju, pracavała redaktaram u Nacyjanalnaj dziaržaŭnaj teleradyjokampanii.
Byłomu kiraŭniku łukašenkaŭskaha pułu Dźmitryju Siemčanku dali try hady kałonii
Ciapier čytajuć
Jak skłałasia ŭ emihracyi žyćcio 22‑hadovaj «terarystki» Danuty Pieradni, jakuju vyzvalili pa pamiłavańni2
Kamientary