Twitter źniaŭ abmiežavańni z akaŭntaŭ rasijskich dziaržaŭnych ustanovaŭ, uviedzienyja paśla pačatku vajny va Ukrainie — jany znoŭ źjaŭlajucca ŭ rekamiendacyjach i ŭ vierchnich radkach niekatorych pošukavych zapytaŭ, paviedamlaje The Telegraph.
Siarod inšaha, žurnalisty vydańnia pierakanalisia, što Twitter staŭ rekamiendavać akaŭnty Kramla, ministerstva zamiežnych spraŭ RF i rasijskaj ambasady ŭ Vialikabrytanii. Sacsietka taksama pačała vydavać u pošuku akaŭnt Minabarony RF.
Były top-mieniedžar Twitter na ŭmovach ananimnaści paviedamiŭ The Telegraph, što padobnyja źmieny ałharytmaŭ vydačy, chutčej za ŭsio, śviedčać pra toje, što kiraŭnictva sacsietki admianiła letašnija abmiežavańni.
«Vielmi małaimavierna, što hetaje źmianieńnie adbyłosia vypadkova abo bieź viedama kiraŭnictva kampanii», — zajaviŭ jon.
Twitter situacyju pakul nie kamientavaŭ.
-
Rasijskija ŭłady ŭ 2024 hodzie zapatrabavali ad Google vydalić rekordnuju kolkaść kantentu
-
U Łatvii admovilisia prybrać biełaruskija i rasijskija harady z darožnych pakazalnikaŭ
-
Dziaržaŭny sakratar ZŠA Marka Rubia budzie časova vykonvać abaviazki pamočnika prezidenta ZŠA ŭ nacbiaśpiecy zamiest Uołca
Kamientary