Pa vynikach pieršaha kvartała Wargaming vyjšaŭ na pieršaje miesca pa sumie vypłačanych padatkaŭ siarod IT-kampanij Litvy. Na druhim miescy ŭ rejtynhu jašče adna kampanija z biełaruskimi karaniami — EPAM Sistemos, paviedamlaje Dev.by.
Pavodle źviestak Dziaržaŭnaj padatkovaj inśpiekcyi pry litoŭskim Minfinie, za studzień—sakavik Wargaming zapłaciŭ u litoŭski biudžet kala 5,2 miljona jeŭra padatkaŭ. Heta ŭ 4 razy bolš, čym u pieršym kvartale minułaha hoda. Tady kampanija zapłaciła 1,2 miljona jeŭra.
Pry hetym za druhi kvartał minułaha hoda Wargaming zapłaciŭ 1,1 miljona jeŭra padatkaŭ, za treci — 2,9 miljona jeŭra, za čaćviorty — 3,3 miljona jeŭra. Takim čynam, pieršy kvartał hetaha hoda — rekordny dla kampanii pa vypłačanych padatkach z pačatku 2022 hoda.
U svaju čarhu, kampanija EPAM Sistemos vypłaciła za pieršy kvartał hetaha hoda 4 miljony jeŭra padatkaŭ — u 4 razy bolš, čym u pieršym kvartale 2022 hoda.
Pa vynikach usiaho minułaha hoda jakraz EPAM Sistemos stała najbujniejšym padatkapłacielščykam siarod litoŭskich IT-kampanij.
Uvohule ž, EPAM Sistemos i Wargaming Vilnius pa vynikach pieršaha kvartała hetaha hoda ŭvajšli ŭ top-100 najbujniejšych padatkapłacielščykaŭ Litvy. Dačka Wargaming apynułasia na 52 miescy ŭ rejtynhu, a dačka EPAM — na 70 miescy.
U top-50 padatkapłacielščykaŭ siektara «infarmacyja i suviaź» apynulisia jašče try kampanii ź biełaruskimi karaniami: Melsoft (1,6 miljona jeŭra vypłačanych padatkaŭ), Gurtam (0,9 miljona jeŭra) i Flo (0,6 miljona jeŭra).
Kiraŭnik Lidy zaklikaŭ siłavikoŭ nie spyniać palityčnych represij28
Kamientary
mažliva V.-ja budzie znoŭ naša
kak kto-to miečtał