Uciečki ź Pientahona: Džeka Tejšejru trojčy papiaredžvali pra jaho praźmiernuju cikavaść da raźviedźviestak. I ničoha nie rabili
Prakurory ŭ ZŠA padali sudu novyja dakumienty, jakija demanstrujuć, što małodšy aficer Nacyjanalnaj hvardyi Džek Tejšejra, jakoha abvinavačvajuć u niadaŭniaj hihanckaj uciečcy sakretaŭ Pientahona, nieadnarazova ihnaravaŭ papiaredžańni ad svajho načalstva ab niapravilnym abychodžańni z sakretnymi materyjałami, piša Bi-bi-si.
Ciapier abvinavaŭcy damahajucca taho, kab 21-hadovaha techničnaha słužačaha vajskovaj bazy nie vypuskali z-pad varty dadomu čakać suda. Apublikavanyja ŭ noč na čaćvier dakumienty — heta adzin ź ich arhumientaŭ na karyść taho, kab Tejšejra zastavaŭsia pad vartaj.
Prakuratura śćviardžaje, što ŭ 2022 hodzie Tejšejra dvojčy atrymaŭ vymovu za dziejańni, źviazanyja z sakretnaj infarmacyjaj, što vyklikali niepakoj.
U vieraśni 2022 hoda načalstva zaŭvažyła, što Tejšejra rabiŭ zapisy ab sakretnych raźviedvalnych danych i kłaŭ hetyja kanśpiekty sabie ŭ kišeniu. Paśla hetaha jamu zahadali bolš tak nie rabić.
Ale ŭ kastryčniku 2022 hoda ŭ dačynieńni da Tejšejry źjaviŭsia novy słužbovy zapis. U im havorycca, što jon «patencyjna ihnaruje rasparadžeńnie ab spynieńni i nieadnaŭleńni dziejańniaŭ, źviazanych z hłybokim vyvučeńniem raźvieddanych», atrymanaje im miesiacam raniej.
U hetym zapisie tłumačycca, što Tejšejra zadavaŭ «vielmi kankretnyja pytańni» padčas narady, paśla čaho jamu zahadali zasiarodzicca na svajoj pracy, a nie na tym, kab hłyboka zakopvacca ŭ raźviedvalnuju infarmacyju.
U trecim zapisie, datavanym lutym 2023 hoda, havorycca, što Tejšejra byŭ zaŭvažany za prahladam infarmacyi, «jakaja nie była źviazanaja ź jaho asnoŭnymi abaviazkami i mieła dačynieńnie da raźviedki». Tam taksama adznačana, što raniej jaho ŭžo zaklikali spynić padobnuju dziejnaść.
Pakul zastajecca niezrazumiełym, čamu kiraŭnictva Tejšejry abmiažoŭvałasia tolki padobnymi papiaredžańniami, nie zrabiŭšy nijakich kankretnych krokaŭ pa spynieńni jaho dostupu da nastolki surjoznaj raźviedinfarmacyi.
Sud u štacie Masačusets u bližejšyja dni pavinien vyrašyć, ci pakidać Tejšejru za kratami, pakul jon čakaje suda. Jaho advakaty prosiać pieradać jaho na hety čas pad nahlad baćki, zapeŭnivajučy, što ŭ abvinavačanaha niama namieraŭ biehčy ad pravasudździa.
Tejšejru abvinavačvajuć u tym, što jon apublikavaŭ vielizarnyja masivy sakretnych dakumientaŭ u čacie na sacyjalnaj płatformie, papularnaj siarod hiejmieraŭ.
Hetuju uciečku nazyvajuć najbujniejšaj jak minimum za dziesiacihodździe.
U dakumientach padrabiazna apisvajecca dapamoha ZŠA i NATA Ukrainie, a taksama acenki amierykanskaj raźviedki ŭ dačynieńni da sajuźnikaŭ, jakija mohuć abvastryć adnosiny z hetymi krainami.
Lotčyk, jakoha abvinavačvajuć ŭ publikacyi sakretnych dakumientaŭ Pientahona, mieŭ dalokasiažnyja płany
Pieršaja ŭciečka źviestak Pientahona adbyłasia praz 48 hadzin paśla ŭvarvańnia va Ukrainu
Śmierć Pucina, śmierć Zialenskaha, «udar pa Kramli». Raźviedka ZŠA razhladaje «nievierahodnyja» scenary vajny — źlivy
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie26
Kamientary