Dranburhiery i bulbianaja pica. Biełkaapsajuz stvaraje sietki chutkaha charčavańnia z nacyjanalnym kałarytam
Biełkaapsajuz stvaraje čatyry sietki chutkaha charčavańnia z nacyjanalnym kałarytam. Pra heta ŭ intervju časopisu «Ekanomika Biełarusi» raskazaŭ staršynia praŭleńnia arhanizacyi Aleh Mackievič, piša BiełTA.
«LepimSami», «Ježa&Kava», TASTY, «Hastrołavka» — čatyry sietkavyja brendy ŭ hramadskim charčavańni spažyŭkaapieracyi, kožny ź jakich aryjentavany na peŭny asartymient straŭ i kulinarnych vyrabaŭ.
«LepimSami» — heta abnoŭlenyja kafe z šyrokim asartymientam pielmieniaŭ, varenikaŭ, blinoŭ, smažanak, picy.
U «Ježa&Kava» inšaja fiška — nie mienš jak 12 najmieńniaŭ sartoŭ kavy, desierty, stravy biełaruskaj kuchni.
Z 2019 hoda Biełkaapsajuz staŭ pravaŭładalnikam hetych tavarnych znakaŭ i aktyŭna ich prasoŭvaje: adkryta 11 abjektaŭ charčavańnia «LepimSami» i 43 — «Ježa&Kava».
U śniežni 2020 hoda pačałasia realizacyja prajekta pad markaj TASTY z maładziožnym asartymientam: hamburhierami, čyzburhierami, bulbaj fry. Akramia taho, haściam prapanujuć pakaštavać biełaruskuju kuchniu ŭ sučasnym vykanańni — dranburhiery i bulbianuju picu. Pakul takich ustanoŭ vosiem, ale cikavaść da ich z boku naviedvalnikaŭ padšturchoŭvaje da raźvićcia sietki, jak raspavioŭ Aleh Mackievič.
«Jašče adzin ź pierśpiektyŭnych napramkaŭ u hramadskim charčavańni — «Hastrołavka». Pa sutnaści, heta rebrendynh viadomych jašče z savieckich časoŭ mahazinaŭ «Kulinaryja» z abiedziennaj zonaj i piakarniaj, dzie možna nazirać, jak hatujecca vypiečka. Piłotny prajekt realizavany ŭ Červieni, abjom tavaraabarotu adrazu ž pavialičyŭsia ŭdvaja. U sistemie try «Hastrołavki», usie — u Minskaj vobłaści», — dadaŭ Mackievič.
U 2023 hodzie arhanizacyja płanuje adkryć jašče adno kafe «LepimSami», čatyry ŭstanovy «Ježa&Kava», try — TASTY i 21 «Hastrołavku».
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska6
Kamientary