Zialenski dumaje, što nadta šmat vahnieraŭcaŭ u Biełarusi nie budzie
Na pres-kanfierencyi paśla sustrečy ŭ Kijevie z prezidentami Polščy i Litvy Andžejem Dudam i Hitanasam Naŭsiedam prezident Ukrainy Uładzimir Zialenski siarod inšaha zakranuŭ i temu mahčymaha pierabazavańnia ŭ Biełaruś bajcoŭ PVK «Vahnier» na čale ź Jaŭhienam Pryhožynym. Jon vykazaŭ mierkavańnie, što «kantynhient hety budzie nie vielmi vialiki».
«Pa-pieršaje, vahnieraŭcy jość na časova akupavanaj terytoryi Ukrainy, jany jość i byli na Łuhanščynie. I heta praŭda. Mnohich ź ich, jak ja ŭžo padkreślivaŭ, źniščyli našy Uzbrojenyja siły, siły abarony i biaśpieki, bolš za 20 tysiač ich byli źniščanyja.
Tamu taja kolkaść, jakaja pajšła, skažam tak, u pazityŭnym sensie na Maskvu, jana ŭ paraŭnańni z tym, kolki było ŭ nas, paraŭnoŭvać heta niemahčyma.
Tamu ja nie mahu skazać, nakolki jany buduć kamuści pahražać na terytoryi Biełarusi, tamu što dumaju, što kantynhient hety budzie nie vielmi vialiki», — skazaŭ Zialenski.
Pavodle daniasieńniaŭ ukrainskich vajskoŭcaŭ, na paŭnočnaj miažy Ukrainy situacyja ciapier niaźmiennaja i kantralavanaja. A maršu vahnieraŭcaŭ pa terytoryi Ukrainy, padobnaha da rasijskaha, prezident Ukrainy nie baicca, bo «ŭsio ž u nas mahutnaja i sučasnaja armija, i nie na słovach».
U Maskvie moža być aryštavany hienierał Suravikin — The Moscow Times
«Pryniaty rašeńni adnosna ŭzmacnieńnia našaj abarony ŭschodniaj miažy» — Jarasłaŭ Kačyński
Instruktar «Vahniera» z pazyŭnym «Brest»: Biełaruś — taki ž kirunak, jak i inšyja. A my spatrebimsia pierad vybarami
Zialenski: Navat unutranyja siły RF pierastali aziracca na kvołaha haspadara Kramla
Ciapier čytajuć
Biełarus raskazaŭ, jak byŭ hidam u Dudzia na Madejry — jeli draniki ŭ bary i hulali ŭ futboł na stadyjonie Ranałdu5
Kamientary