«U nacystaŭ zaŭsiody niuch na hetaje proźvišča». Praŭnučka kampazitara Rycharda Vahniera vykazałasia pra svajo staŭleńnie da PVK «Vahnier»
Kataryna Vahnier, čyj pradzied byŭ adnym z najvialikšych niamieckich kampazitaraŭ, u intervju vydańniu Die Welt ščyra aburyłasia najaŭnaściu ich proźvišča na «kryvavych ściahach» rasijskich najmitaŭ.
Praŭnučka znakamitaha niamieckaha kampazitara Rycharda Vahniera padzialiłasia svaim mierkavańniem ab adnajmiennaj rasijskaj pryvatnaj vajskovaj kampanii.
Pa słovach Kataryny Vahnier, jakija 11 lipienia pryvodzić vydańnie Die Welt, daŭniaja tradycyja nacystaŭ pa vykarystańni proźvišča jaje pradzieda siońnia nabyła novuju ahidnuju formu ŭ asobie najmitaŭ Jaŭhiena Pryhožyna.
«Historyja paŭtarajecca. Prysvajeńnie tvoraŭ majho pradzieda nacyjanał-sacyjalistami ŭžo tady było niečym brydkim. A ciapier, kali rasijskaja armija najmitaŭ, čyju žorstkaść składana pierasiahnuć, maluje naša siamiejnaje proźvišča na svaich kryvavych ściahach, to ŭ mianie i mnohich inšych ludziej až dychańnie pierachoplivaje», — padzialiłasia Kataryna Vahnier padčas intervju žurnalistam Die Welt.
Na jaje dumku, spadčyna jaje pradzieda stała znoŭ niezasłužana źnitavanaja z samymi złymi formami palityčnaha i rasisckaha varjactva, jakoje, naprykład, u hety momant adbyvajecca va Ukrainie.
«Heta toje, što vielmi składana admaŭlać i ŭ čym abaviazkova treba znoŭ staranna raźbiracca», — padahulniła Kataryna.
Čytajcie taksama:
Aleś Puškin: chto hety hienijalny mastak i palitviazień, što zhinuŭ u źniavoleńni
Suprać Rasii i jaje zładziejaŭ pačali dziejničać mietadami Masada. Zabojstva Ržyckaha
NATA zhadała ŭ svaim kamiunikie pra rolu Biełarusi, PVK «Vahnier» i jadziernuju zbroju
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary
A łukašienko ich nazyvajet śviatymi vojnami russkoho mira i priekłoniajetsia pieried nimi, značit on pokłoniajetsia nacizmu i priznajot jeho.
Oni jemu nužny v khb, v mvd, v hubopikie, v prokuraturie i v mo.