Alaksiej Ramanaŭ — homielski aktyvist, jaki maje invalidnaść 2-j hrupy z pryčyny ankałahičnaha zachvorvańnia. Niahledziačy na heta, za ŭdzieł u pratestach 2020 hoda jaho asudzili da hoda kałonii ahulnaha režymu. Termin jon całkam adbyŭ, prajšoŭ kurs lačeńnia, a ciapier maje patrebu ŭ finansavaj dapamozie na reabilitacyju.
Alaksiej Ramanaŭ aktyŭna ŭdzielničaŭ u ahitacyjnych pikietach štaba Śviatłany Cichanoŭskaj jak vałancior. Na pikiecie ŭ Chojnikach mužčyna niehatyŭna vykazaŭsia pra Łukašenku. Suprać Ramanava raspačali kryminalnuju spravu, a paźniej asudzili da hoda kałonii ahulnaha režymu. 23 listapada 2021 hoda Alaksiej vyjšaŭ na volu, całkam adbyŭšy termin.
Ciapier Alaksiej u Minsku i zajmajecca zdaroŭjem. Jamu praviali apieracyju: vydalili sielazionku, try čverci padstraŭnikavaj załozy, tracinu straŭnika i 16 santymietraŭ kišečnika. Jamu patrebna finansavaja dapamoha i padtrymka, kab reabilitavacca paśla składanaj apieracyi. Pracavać mužčyna ciapier nie moža, a piensija składaje ŭsiaho 254 rubli.
Padtrymać Alaksieja možna praz płatformu hutka.help.
Čytajcie taksama:
U Kalinkavickim rajonie znoŭ zatrymali byłoha palitviaźnia z ankałahičnym zachvorvańniem
Žychara Homiela z ankałohijaj pakarali hodam turmy za abrazu Łukašenki
Kamientary