Temaj vučeńniaŭ ADKB u Biełarusi stanie likvidacyja nastupstvaŭ avaryi na jadziernym abjekcie
Likvidacyja nastupstvaŭ avaryi na jadziernym abjekcie stanie temaj vučeńniaŭ vyratavalnych padraździaleńniaŭ krain Arhanizacyi Damovy ab kalektyŭnaj biaśpiecy (ADKB) «Skała-2023», jakija projduć na pačatku vieraśnia ŭ Minskaj vobłaści. Pra heta paviedamiŭ ministr pa nadzvyčajnych situacyjach Biełarusi Vadzim Siniaŭski, piša TASS.
«Tema «Skały» — heta avaryja na jadziernym abjekcie z zadziejničańniem i razhortvańniem sił ADKB i, viadoma ž, našy dziejańni, MNS Respubliki Biełaruś. Heta paradak kiravańnia hetym pracesam, achoŭnyja płany, unutranyja i vonkavyja, jakija buduć na praktycy adpracavanyja ŭ vypadku takoj avaryi. Heta pytańni ŭzajemadziejańnia z orhanami vykanaŭčaj ułady, z orhanami vajennaha kiravańnia, šerah inšych zadač», — skazaŭ ministr u efiry telekanała «Biełaruś-1».
Raniej Siniaŭski paviedamlaŭ, što aktyŭnaja faza vučeńniaŭ budzie praviedzienaja na bazie filijała ŭniviersiteta hramadzianskaj abarony MNS u Minskaj vobłaści. Kiraŭnik MNS RF Alaksandr Kurankoŭ infarmavaŭ ab tym, što ad rasijskaha vyratavalnaha viedamstva na vučeńni płanujecca nakiravać śpiecyjalistaŭ Centra pa praviadzieńni vyratavalnych apieracyj asablivaj ryzyki «Lidar».
Ciapier čytajuć
Stała viadoma, za što asudzili kiraŭnika biełaruskaha Ernst & Young Paŭła Łaščanku2
Kamientary
minirovanije Zaporožskoj AES, vziatije pod pricieł svojej žie Kurskoj AES - nado sozdavať zaražiennuju bufiernuju zonu. fiekalnyj čiemodan vidit, čto ni hłubinarii iz potiešnoj armii ni urki iz havniera nie vyviezut dažie samych minimalnych sražienij. po orko łohikie - vyvod odin - nado hadiť radiacijej.