Ukraincy ŭpieršyniu nanieśli ŭdar pa rasijskaj bazie ŭ Novarasijsku — padbity karabiel
Ministerstva abarony Rasii ŭranku raspaŭsiudziła infarmacyju, što dva ŭkrainskija bieśpiłotnyja katary byli źniščanyja ahniom u vajskovym porcie Novarasijska. Adnak paźniej źjavilisia kadry, jak buksiry ciahnuć nachileny na bok vialiki desantny karabiel «Aleniahorski harniak».
Novarasijsk — druhaja pa značeńni baza Čarnamorskaha fłotu paśla Sievastopala. Paśla taho, jak ukraincy źniščyli kryłatymi rakietami «Nieptun» ułasnaj raspracoŭki fłahman fłotu, krejsier «Maskva», karabli ŭ Sievastopali akazalisia prycisnutymi da buchty. Fłot u Novarasijsku, mocna addaleny ad ukrainskich bierahoŭ, dahetul adčuvaŭ siabie adnosna biaśpiečna. Adnak za apošni miesiac ukrainskija bieśpiłotniki spačatku dvojčy sprabavali atakavać rasijskija sudny na patrulnych misijach u paŭdniovaj častcy Čornaha mora, a siońnia nanieśli ŭdar i pa samoj bazie.
U Novarasijsku nočču čuli stralaninu i vybuchi, bačyli ahoń u buchcie.
Minabarony Rasii zajaviła ab sprobie atakavać vajskova-marskuju bazu, jakaja, jak śćviardžajecca, akazałasia biespaśpiachovaj. Paviedamlałasia pra źniščeńnie dvuch bieśpiłotnych kataraŭ.
Adnak praź niekalki hadzin u siecivie raspaŭsiudzilisia videa buksiroŭki vialikaha desantnaha karabla «Aleniahorski harniak», jaki, imavierna, atrymaŭ paškodžańni, bo mocna nachiliŭsia na levy bort.
Pavodle roznych padlikaŭ, usiaho z pačatku vajny źniščana ci mocna paškodžana ad 6-ci da 11-ci karabloŭ rasijskaha Čarnamorskaha fłotu.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ6
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary