U Homieli stali štrafavać za vierabjoŭ, jakich «utrymlivajuć» u kramach
Administracyju homielskaha hipiermarkieta ŭžo nie pieršy raz aštrafavali za ptušak, jakija lotajuć pad jahonym dacham, paviedamlaje vydańnie «Štodzień».
Pad vielmi vysokimi stolami hipiermarkietaŭ časam možna pabačyć vierabjoŭ ci navat hałuboŭ. Jany zvyčajna biez prablem traplajuć pad sklapieńni vialikich budynkaŭ i vielmi kamfortna tam siabie adčuvajuć.
U homielskim hipiermarkiecie na vulicy Haharyna vierabji adčuvali siabie zusim raskošna. Užo niekalki hadoŭ u sacsietkach rehularna źjaŭlajucca videa, dzie ptuški raz-poraz łasujucca śviežaj harodninaj, jahadami i kraduć čas ad času ŭ kramie arechi abo krupy.
Hetymi dniami chtości z pakupnikoŭ napisaŭ u sanstancyju skarhu na ptušak, jakich «utrymlivajuć u hipiermarkiecie».
U adkaz na heta z metaj «likvidavać parušeńnie sanitarnych normaŭ i praviłaŭ» supracoŭniki ŭpraŭleńnia handlu i pasłuh Homielskaha harvykankama razam z supracoŭnikami Homielskaha haradskoha centra hihijeny i epidemijałohii «praviali nahladnyja mierapryjemstvy» i sapraŭdy «vyjavili tam fakt utrymańnia ptušak».
U spravazdačy čynoŭnikaŭ ab praviedzienaj pracy adznačana, što ptušak, jakija «byli ŭ kramie na ŭtrymańni», «złavili i adpuścili ŭ naturalnaje asiarodździe pražyvańnia».
Pry hetym na administracyju hipiermarkieta zaviali spravu pavodle administracyjnaha artykuła 17.5 (parušeńnie sanitarna-epidemijałahičnych patrabavańniaŭ), štraf pavodle jakoha praduhledžany da 30 bazavych vieličyń, to-bok 1 110 biełaruskich rubloŭ.
Praŭda, zusim vyhnać ptušak z takich budynkaŭ składana, a administracyju hetaha samaha hipiermarkieta niadaŭna ŭžo štrafavali za hetych samych vierabjoŭ. Ci zmohuć jany dać rady prablemie ŭ budučyni — pakaža čas.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu7
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary
Čto stało s lud́mi?...
Byli žie ludi kak ludi, no postjepienno prievratiliś v bydło.
Kali nie spracuje z kocikami, možna padsialić u hipier drapiežnych ptušak, jakich bajacca vierabjinyja. Pavietranyja batalii z udziełam katoŭ, vierabjoŭ i karšukoŭ abaviazkova pryciahnuć pakupnikoŭ.