34-hadovy žychar Pinskaha rajona atrymaŭ 2,5 hoda kałonii ahulnaha režymu pa abvinavačańni ŭ «sadziejničańni ekstremisckaj dziejnaści».
Jak zajaŭlaje prakuratura Minskaj vobłaści, 18 sakavika 2022 hoda mužčyna, znachodziačysia ŭ Ivacevickim rajonie, źniaŭ pieramiaščeńnie biełaruskaj vajskovaj techniki i pry dapamozie telefona Xiaomi Mi Note 10 Lite adpraviŭ videa ŭ «ekstremiscki» telehram-kanał.
«Svaimi supraćpraŭnymi dziejańniami abvinavačany akazaŭ sadziejničańnie ekstremisckaj dziejnaści, jakaja zahadzia była nakiravanaja na płanavańnie, arhanizacyju, padrychtoŭku i ździajśnieńnie zamachaŭ na niezaležnaść, terytaryjalnuju cełasnaść, suvierenitet, a taksama asnovy kanstytucyjnaha ładu i hramadskuju biaśpieku Respubliki Biełaruś», — zajaŭlaje prakuratura.
Na sudzie, jak śćviardžajecca, mužčyna pryznaŭ vinu, sud adpraviŭ jaho ŭ kałoniju na 2,5 hoda. Telefon kanfiskavany jak «srodak ździajśnieńnia złačynstva».
Čytajcie taksama:
Jašče 10 čałaviek pryznali palitviaźniami, ich kolkaść darasła da 1519
Zatrymali ŭładalnika bresckaha bara «Dendzi»
U Breście siłaviki zatrymali dvaich mužčyn za raspaŭsiud «ekstremisckich materyjałaŭ»
-
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
-
«Čarnahoryja nikomu nie choča davać prytułku». Biełaruska raskazała pra pieravahi i składanaści žyćcia ŭ hetaj krainie
-
Novanabyty Airbus «Biełavija» vykanaŭ pieršy rejs
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary