«My ryzykujem pahoršyć situacyju». Pavieł Duraŭ patłumačyŭ, čamu nie zakryje telehram-kanał CHAMAS
Zasnavalnik Telegram Pavieł Duraŭ apublikavaŭ u svaim kanale tłumačeńnie, čamu kiraŭnictva płatformy nie stanie vydalać kanał paleścinskaj hrupoŭki CHAMAS, jakaja napała na Izrail.
«Štodnia maderatary Telegram i instrumienty štučnaha intelektu vydalajuć miljony jaŭna škodnych materyjałaŭ z našaj publičnaj płatformy. Adnak vyrašeńnie prablemy aśviatleńnia vajennych dziejańniaŭ redka byvaje vidavočnym. Raniej na hetym tydni CHAMAS pierad rakietnymi ŭdarami pa Aškiełonie vykarystoŭvaŭ Telegram, kab papiaredzić mirnych žycharoŭ, što im treba pakinuć rajon. Ci dapamoža zakryćcio hetaha kanała vyratavać žyćci ludziej abo pastavić ich pad pahrozu?» — piša Duraŭ.
Jon adznačyŭ, što takija składanyja situacyi «patrabujuć dbajnaj prapracoŭki, jakaja pavinna ŭličvać i adroźnieńni pamiž sacyjalnymi płatformami».
«U adroźnieńnie ad inšych prahramaŭ, jakija ałharytmična prasoŭvajuć šakavalny kantent ničoha nie padazrajučym ludziam, u Telegram karystalniki atrymlivajuć tolki toj kantent, na jaki jany śpiecyjalna padpisalisia. Tamu naŭrad ci kanały Telegram možna vykarystoŭvać dla značnaha ŭzmacnieńnia prapahandy. Naadvarot, jany słužać unikalnaj krynicaj infarmacyi ź pieršych ruk dla daśledčykaŭ, žurnalistaŭ i faktčekieraŭ. I choć nam było b lohka źniščyć hetuju krynicu infarmacyi, my ryzykujem pahoršyć i biez taho ciažkuju situacyju», — napisaŭ Duraŭ.
-
«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
-
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
-
Bieły dom apublikavaŭ valancinku z Hrenłandyjaj
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?6
Kamientary