«Мы рызыкуем пагоршыць сітуацыю». Павел Дураў патлумачыў, чаму не закрые тэлеграм-канал ХАМАС
Заснавальнік Telegram Павел Дураў апублікаваў у сваім канале тлумачэнне, чаму кіраўніцтва платформы не стане выдаляць канал палесцінскай групоўкі ХАМАС, якая напала на Ізраіль.
«Штодня мадэратары Telegram і інструменты штучнага інтэлекту выдаляюць мільёны яўна шкодных матэрыялаў з нашай публічнай платформы. Аднак вырашэнне праблемы асвятлення ваенных дзеянняў рэдка бывае відавочным. Раней на гэтым тыдні ХАМАС перад ракетнымі ўдарамі па Ашкелоне выкарыстоўваў Telegram, каб папярэдзіць мірных жыхароў, што ім трэба пакінуць раён. Ці дапаможа закрыццё гэтага канала выратаваць жыцці людзей або паставіць іх пад пагрозу?» — піша Дураў.
Ён адзначыў, што такія складаныя сітуацыі «патрабуюць дбайнай прапрацоўкі, якая павінна ўлічваць і адрозненні паміж сацыяльнымі платформамі».
«У адрозненне ад іншых праграмаў, якія алгарытмічна прасоўваюць шакавальны кантэнт нічога не падазраючым людзям, у Telegram карыстальнікі атрымліваюць толькі той кантэнт, на які яны спецыяльна падпісаліся. Таму наўрад ці каналы Telegram можна выкарыстоўваць для значнага ўзмацнення прапаганды. Наадварот, яны служаць унікальнай крыніцай інфармацыі з першых рук для даследчыкаў, журналістаў і фактчэкераў. І хоць нам было б лёгка знішчыць гэтую крыніцу інфармацыі, мы рызыкуем пагоршыць і без таго цяжкую сітуацыю», — напісаў Дураў.
-
Жанчына дапамагла беларускаму ўцекачу незаконна перайсці мяжу — праз гэта ёй адмовілі ў польскім грамадзянстве. Што вырашыў суд
-
У Маскве забілі і расчлянілі школьніка. Яго парэшткі кінулі ў сажалку
-
Трамп, Пуцін, гомасэксуальныя кантакты і іншыя брудныя намёкі — у ЗША апублікавалі 20 тысяч файлаў Эпштэйна
Цяпер чытаюць
«Дзед будзе глядзець асабіста. Калі яму спадабаецца…» Зянковіч расказаў, як з ім запісвалі першае інтэрв'ю ў СІЗА КДБ14
Каментары