Wargaming źbiraje hrošy na padtrymku Ukrainy praz prodaž śpiecyjalnych hulniavych naboraŭ
Kampanija ź biełaruskimi karaniami Wargaming adkryła dla hulcoŭ šaści svaich hulniaŭ prodaž śpiecyjalnych naboraŭ, pryśviečanych Ukrainie. Hetyja nabory buduć utrymlivać elemienty vonkavaha vyhladu, stvoranyja mastakami z kijeŭskaj studyi kampanii. Hrošy ad prodažu naboraŭ kampanija paabiacała pieradać na kuplu śpiecyjalnych mašyn chutkaj dapamohi praz aficyjnuju płatformu United24, zapuščanuju ŭładami Ukrainy.
«My ŭ Wargaming lubim vajennyja hulni, ale nienavidzim sapraŭdnuju vajnu. I hetaja tema dla nas asabliva adčuvalnaja, bo ŭ Kijevie ŭ nas jość cełaja studyja, jakaja ŭparta pracuje nad World Of Tanks i inšymi praduktami, niahledziačy na ŭsie žachi, jakija štodnia pieražyvaje ich kraina», — zajaviła kampanija, adznačyŭšy, što z pačatku rasijskaha ŭvarvańnia dapamahaje žycharam Ukrainy.
Zbor budzie prachodzić z 18 kastryčnika pa 1 listapada.
Usie hrošy ad prodažu śpiecyjalnych naboraŭ kampanija paabiacała pieradać na kuplu śpiecyjalnych mašyn chutkaj dapamohi praz aficyjnuju płatformu United24, zapuščanuju ŭładami Ukrainy.
Paśla zajavy Wargaming rasijskaja kampanija Lesta Game, jakaja raniej atrymała biznes raspracoŭščykaŭ World of Tanks u RF i Biełarusi, zajaviła, što jaje prajekty «pa-za palitykaj».
«Našy prajekty pa-za palitykaj, i my nie majem dačynieńnia da inšych hulniaŭ i prajektaŭ padobnaj tematyki. My nastojliva raim našym hulcam być uvažlivymi pry ździajśnieńni płaciažoŭ i pakupak anłajn, kab nie parušać zakanadaŭstva Rasijskaj Fiederacyi abo Respubliki Biełaruś», — zajavili ŭ hetaj kampanii.
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary