U sudzie Žłobinskaha rajona 19 kastryčnika vyniesieny čarhovy prysud pa 342 artykule Kryminalnaha kodeksa. Sudzili žychara Žłobina Maksima Kaliničenku, abvinavaciŭšy jaho ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym udziele ŭ ich, piša «Viasna».
Maksima Kaliničenku zatrymali 16 žniŭnia 2023 hoda na troje sutak, zatym jon byŭ vyzvaleny da suda pad paruku. Da zatrymańnia pracavaŭ na puciavoj mašynnaj stancyi №117 «Žłobin-Paŭnočny».
Pa materyjałach abvinavačańnia, Kaliničenka, «dziejničajučy sumiesna i ŭzhodniena ŭ hrupie ź inšymi asobami prykładna da 1 hadziny 30 chvilin 10 žniŭnia 2020 hoda, stajaŭ na prajeznaj častcy vulicy, pieraškadžajučy ruchu hramadskaha i inšaha transpartu, plaskaŭ u dałoni, hučna kryčaŭ, śvistaŭ, vykrykvaŭ roznyja łozunhi, demanstratyŭna-hrebliva, adkryta admaŭlaŭsia ad vykanańnia vyšejzhadanych zakonnych patrabavańniaŭ pradstaŭnikoŭ ułady».
Sud paličyŭ, što Kaliničenka ździejśniŭ złačynstva, jakoje pradstaŭlaje pavyšanuju hramadskuju niebiaśpieku, adnak pry hetym raniej nie sudzimy, maje pastajannaje miesca pracy, stanoŭča charaktaryzujucca, maje ŭstojlivuju matyvacyju na sacyjalnuju reabilitacyju.
U vyniku sudździa Śviatłana Rubachava prysudziła Maksimu abmiežavańnie voli biez nakiravańnia ŭ papraŭčuju ŭstanovu adkrytaha typu na termin adzin hod i šeść miesiacaŭ.
Čytajcie taksama:
Abjavili zbor u padtrymku ŭdzielnikaŭ hurta Tor Band i ich siemjaŭ
Palitźniavolenaja Łarysa Ščyrakova pracuje ŭ kałonii švačkaj
Kamientary