«Jak na paneli siabie adčuvała». Prychilnica Łukašenki paskardziłasia na praceduru adboru ŭdzielnic dla sustrečy čynoŭnikaŭ
Pra «dziaržstandart» pryhažości raskazała homielskaja aktyvistka Natalla Piaševič u čacie prarežymnaha abjadnańnia «Patryjoty Biełarusi», zaŭvažyŭ «Fłahštok».
U čacie aktyvistaŭ-łukašenkaŭcaŭ Piaševič raspaviała, što jaje dačku vybrali dla sustrečy ministra Pinieviča na miedycynskaj kanfierencyi:
«Maju dačku vybrali siońnia dla sustrečy ministra achovy zdaroŭja. Kakošniki, čyrvonaja pamada, kučary i hetak dalej».
Praces adboru dziaŭčat dla aficyjnaha mierapryjemstva nie spadabaŭsia dačce aktyvistki:
«Jana skazała, što jak na paneli siabie adčuvała, kali padbirali dziaŭčat-miedykaŭ. Rost, abaviazkova chudzieńkaja i ź ciomnymi doŭhimi vałasami».
Nie spadabaŭsia aktyvistcy i kazionny makijaž:
«A mejkap im zrabili… Prykład taho, jak ź dziaŭčynki, jakaja vyhladaje ledź na 18, stvaryli 30+. Pa TB usio pryhoža, a na spravie — vymučanyja dziaŭčatki».
Kamientary