Zdaroŭje1111

Čamu ad čyrvonaha vina balić hałava? Narešcie stała jasna

Daśledčyki miarkujuć, što jany vyśvietlili, čamu ŭ niekatorych ludziej paśla čyrvonaha vina balić hałava — a paśla inšych ałkaholnych napojaŭ nie.

Fota: vecteezy

Daŭno nie sakret, što ŭžyvańnie ałkaholu moža vyklikać hałaŭny bol. Ale hałaŭnyja boli ad čyrvonaha vina, zdajecca, źjaŭlajucca asablivym fienomienam, jaki nie maje prostaha tłumačeńnia.

Niekatoryja ekśpierty miarkujuć, što heta moža być źviazana ź liškam u vinahradnaj skurcy histaminu (arhaničnaha azocistaha złučeńnia, jakoje pavialičvaje pranikalnaść kapilaraŭ). Inšyja miarkujuć, što vinavataja vialikaja kolkaść taninaŭ (jany nadajuć vinu charakternuju daŭkaść) abo sulfitaŭ (naturalny kansiervant i vynik žyćciadziejnaści droždžaŭ, jakija zbrodžvajuć cukar u vinie ŭ ałkahol). 

Aŭtary novaha daśledavańnia, apublikavanaha ŭ paniadziełak u Scientific Reports, znajšli novaha padazravanaha: fłavanoid kviercecin (quercetin).

Fłavanoidy — heta pažyŭnyja rečyvy, šyroka raspaŭsiudžanyja ŭ ježy i napojach raślinnaha pachodžańnia Ich šmat u cedry cytrusavych, cybuli, zialonym čai, čyrvonych vinach, pivie ciomnych hatunkaŭ, ablapisie. Jany mohuć mieć patencyjnuju karyść dla zdaroŭja, bo vałodajuć siarod inšaha antyaksidantnymi i antymikrobnymi ŭłaścivaściami. Dyk čamu pad padazreńnie trapili mienavita jany? Kab zrazumieć, trochi pahłybimsia ŭ bijałohiju.

Niekatoryja ludzi, asabliva azijackaha pachodžańnia, schilnyja da pačyrvanieńnia skury i inšych simptomaŭ paśla ŭžyvańnia adnosna nievialikaj kolkaści ałkaholu. Zvyčajna heta adbyvajecca z-za najaŭnaści varyjanta peŭnych hienaŭ, jakija dapamahajuć nam mietabalizavać ałkahol. Adzin z hetych hienaŭ adkazvaje za vypracoŭku fiermienta ALDH2, jaki rasščaplaje acetaldehid (taksičny pabočny pradukt ałkaholu). Biez hetaha fiermienta abo jaho mienš funkcyjanalnaj viersii acetaldehid nazapašvajecca ŭ arhaniźmie, ad čaho ludziam staje błaha.

Navukoŭcy miarkujuć, što fłavanoidy mohuć vyklikać padobnuju prablemu z ALDH2 i acetaldehidam. U łabaratoryi jany vyjavili, što pabočny pradukt kviercecinu sapraŭdy zdolny inhibiravać (ci, praściej kažučy, tarmazić) vypracoŭku ALDH2. Hruntujučysia na tym, kolki kviercecinu źmiaščajecca ŭ typovym čyrvonym vinie i jak jon rasščaplajecca ŭ našaj kryvi, kamanda miarkuje, što standartnaja šklanka pavinna ŭtrymlivać dastatkovuju kolkaść kviercecinu, kab inhibiravać vypracoŭku ALDH2 prykładna na 37%.

Tamu całkam mahčyma ŭźniknieńnie hałaŭnoha bolu, kali adčuvalnyja ludzi ŭžyvajuć vino navat sa ścipłaj kolkaściu kviercecinu, asabliva kali ŭ ich užo była mihreń abo inšy asnoŭny hałaŭny bol, pieradaje słovy daśledčykaŭ Gizmodo.

Tym nie mienš, vina kviercecinu kančatkova nie dakazanaja. Całkam vierahodna, što heta nie adzinaja važnaja častka hałavałomki, adznačaje kamanda. Niekatoryja ludzi mohuć mieć dadatkovuju ŭraźlivaść da hetaha stanu, mahčyma, z-za taho, jak jany reahujuć na acetaldehid abo rasščaplajuć kviercecin.

Daśledčyki taksama adznačajuć, što niekatoryja čyrvonyja viny ŭtrymlivajuć značna bolš kviercecinu, čym inšyja, z-za adroźnieńniaŭ u pracesie vytvorčaści: naprykład, kali napoj vyrableny ź vinahrada, što bolš času pravioŭ pad soniečnym śviatłom. Adpaviedna, raboty pryviaduć da vyrabu čyrvonaha vina biez kviercecinu.

Zaraz kamanda płanuje pravieryć svaju teoryju ŭ realnym śviecie. Dziakujučy hrantu Wine Spectator Scholarship Foundation, daśledčyki praviaduć nievialikaje vyprabavańnie, jakoje paraŭnaje, jak ludzi reahujuć na čyrvonyja viny z vysokim i nizkim utrymańniem kviercecinu. 

Kamientary11

  • Kastuś
    30.11.2023
    Picie damašniaje vino.
  • Žvir
    30.11.2023
    Kaniečnie nie dakazana. Nasamreč heta zaležyć ad fazy Miesiaca ! Kali pić u čas poŭnaha Miesiaca - mahčymy hałaŭny bol, kali ž Miesiac idzie na spad, picie na zdaroŭje, kolki zaŭhodna (heta nie ahitacyja, kali što!), ranicoju pračnieciesia badziorymi i hatovymi da dziejańnia, biez apachmiełu. Ale, kali možacie nia pić, dyk lepš nia picie (a heta ŭžo ahitacyja), bo ćviarozym vačam Božy śviet uśmichajecca, heta jašče dziady našy viedali... Ja pasprabavaŭ, i ŭ mianie atrymałasia,.. čatyry miesiacy zapar!
  • Rojal
    30.11.2023
    hoblen, russkaja vodka hovno sobačieje, vam-li etoho nie znať. Tolko durak staniet piť russkuju vodku, kohda jesť šviedskaja, finskaja ili polskaja.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku3

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku

Usie naviny →
Usie naviny

Partyju, jakuju aktyŭna padtrymlivajuć łukašysty, pryznali ekstremisckaj u Hiermanii43

Błohiera Biaspałava zavočna asudzili na 18 hadoŭ. Suma kampiensacyi źmienšyłasia ŭ šmat razoŭ2

Turysty kupili tur u Ryhu, praviali 36 hadzin u aŭtobusie, ale navat nie trapili ŭ Jeŭrasajuz10

Prapahandyst ANT pachvaliŭsia, jak razhavaryŭ dla svajho filma biełarusaŭ zamiežža. Nasamreč jon navat nie razmaŭlaŭ ź imi6

Skandalny minski restaran źmianiŭ nazvu, ale ŭłaśniki brenda ŭsio roŭna niezadavolenyja

Biełarus niekalki razoŭ paśpiachova pryjazdžaŭ z Polščy na radzimu. A ŭ apošni raz nie zmoh vyjechać praz palityčnuju kryminałku25

Biełaruskich školnikaŭ buduć vučyć kiravać dronami13

Biełaruskija ŭłady letaś dasłali zapyt na vydaleńnie 50 videa z YouTube. Im admovili4

Džuli Devis, jakuju niekali pryznačali pasłom ZŠA ŭ Biełarusi, uznačalić dypmisiju ŭ Kijevie

bolš čytanych navin
bolš łajkanych navin

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku3

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku

Hałoŭnaje
Usie naviny →

Zaŭvaha:

 

 

 

 

Zakryć Paviedamić