Kolki treba nie płacić za kamunalnyja pasłuhi, kab stracić žyllo?
U Minharvykankamie raskazali, jakija prablemy mohuć być u niapłatnikaŭ.
Ludziam, jakija spaźnilisia z płaciažom za kamunalnyja pasłuhi, spačatku prosta nahadvajuć pra apłatu z dapamohaj aŭtadazvonu, a potym i asabistaha telefanavańnia apieratara.
Takim čynam, u vypadku niavypłaty kamunalnych płaciažoŭ u vyznačany termin, heta značyć da 25 čysła (uklučna), z 26 čysła telefonny numar niepłacielščyka traplaje ŭ śpisy. Pa ich telefonny aŭtainfarmatar nahadvaje pra nieabchodnaść ździejśnić płaciož. Zvanki adbyvajucca štodzionna jak na haradskija, tak i mabilnyja numary, pišuć «Minsk-Naviny».
Kali žychar nie apłačvaje kamunałku dva miesiacy, jamu mohuć adklučyć śviatło i vadu.
«Tak, za minuły pieryjad 2025 hoda bieź śviatła ŭ stalicy zastałosia 4 301 spažyviec, i 634 — biez vady», — raspaviała čynoŭnica Minharvykankama Anastasija Hvozdzik.
Na tych, chto nie płacić try miesiacy, skardziacca ŭ orhany prymusovaha vykanańnia. Tut daŭžnikoŭ čakajuć dadatkovyja vydatki: im daviadziecca apłacić nie tolki sam doŭh, ale i dziaržaŭnuju pošlinu, nataryjalny taryf, prymusovy zbor. Bolš za toje, sudovy vykanaŭca moža aryštavać majomaść, bankaŭski rachunak abo mašynu daŭžnika. A kali ŭ kvatery ź niepłacielščykam žyvuć niepaŭnaletnija dzieci, to siamju mohuć pastavić u SPS.
Kali zapazyčanaść dasiahaje šaści miesiacaŭ i bolš, žychara mohuć vysielić. Navat kali kvatera znachodzicca ŭ pryvatnaj ułasnaści, za niavypłatu jaje mohuć pradać na publičnych tarhach.
«Zusim niadaŭna dola žyłoha pamiaškańnia była pradadziena z publičnych tarhoŭ. Za košt srodkaŭ, atrymanych ad realizacyi žylla, u pieršuju čarhu pahašajecca zapazyčanaść za žyllova-kamunalnyja pasłuhi», — raspaviali ŭ Minharvykankamie.
-
«U kałonii canili pieradačy prapahandystki Skabiejevaj». Były palitviazień Jaŭhien Mierkis raskazaŭ, jak vyžyvaŭ za kratami
-
Biełaruska atrymała polskuju vizu, ale nie pačała pa joj jeździć da zakryćcia miažy. Ci puściać jaje ciapier u ES?
-
17-hadovaja biełaruska, zatrymanaja za zapusk drona ŭ Varšavie, pryjechała ŭ Polšču ŭsiaho niekalki dzion tamu
Ciapier čytajuć
Da «Dnia narodnaha adzinstva» pamiłavali 25 čałaviek4
Kamientary