Hramadstva

«Piša vielmi badzioryja listy». Što viadoma pra źniavolenaha dyrektara haziety «Biełorusy i rynok» Kanstancina Załatych

Ź lipienia 2023 hoda dyrektara haziety «Biełorusy i rynok» Kanstancina Załatych trymajuć u papraŭčaj kałonii № 1 u Navapołacku. Viadoma, što palitviazień pracuje na sartavańni polietylenavych hranuł, a ŭ volny čas čytaje šmat fiłasofskaj i histaryčnaj litaratury. Padrabiaznaści stali viadomyja ad žonki Kanstancina Natalli, piša «Radyjo Svaboda».

«Pra ŭmovy ŭ kałonii piša, što narmalnyja, ale dumaju, što takija samyja, jak i ŭ inšych palitviaźniaŭ. U volny čas čytaje, adnak volnaha času ŭ ich tam niašmat. Listy dachodziać jamu tolki ad najbližejšych svajakoŭ, i ad jaho toje samaje. Zvanić z kałonii jašče jamu nie dazvolili nivodnaha razu», — raskazała Natalla.

Kanstancinu Załatych 54 hady. U kałonii jon pracuje na sartavańni polietylenu. Voś što jahonaj žoncy viadoma pra hetuju pracu:

«Jany tam uručnuju pierabirajuć polietylenavyja hranuły, ź jakich potym robiać plonku.

Napisaŭ, što jość dobryja hranuły, a jość nieprydatnyja, voś ich treba adździalić. Nakolki heta ciažkaja i škodnaja praca, nie viedaju, ale, jak skazała adna žonka viaźnia, jany «pracujuć papiałuškami».

Pavodle Natalli Załatych, jaje muž i ŭ kałonii znachodzić mahčymaść zajmacca surjoznymi knihami.

«Čytaje, naprykład, «Historyju zachodniaj fiłasofii» Biertrana Raseła, «Mastactva vajny» Suń Czy. Čytaje i knihi pa-anhielsku. Vielmi lubić historyju, asabliva vajennuju, teoryju palityki i ekanomiki, fiłasofiju. Niekatoryja knihi, jakija jaho cikaviać, zamaŭlaje praz kniharniu i potym čakaje, pakul pryjduć», — raskazała Natalla Załatych.

Žoncy palitviaźnia nieviadoma, ci zajmajecca jon u kałonii sportam.

«Nakolki viedaju, palityčnych nie biaruć u spartovyja hulni, nie dazvolena. Ale nie skardziŭsia na stomu, piša, što zdarovy. Jon uvohule piša vielmi badzioryja listy i adnosna charčavańnia nie skardzicca.

Jon u minułym čałaviek vajskovy, tamu kašy moža jeści i nie narakaje. Piša, što i rybu dajuć, i miasa, a na viačeru zvyčajna smažanaja «varonka» — padsmažanaja varanaja kaŭbasa. Jašče ŭ jaho jość «atavarka» — možna ŭ kramie nabyć niešta dadatkovaje, ale nie na 222 rubli, jak va ŭsich, a tolki na 74 rubli».

Kanstancina Załatych aryštavali ŭ traŭni 2022 hoda. Spačatku jaho ŭtrymlivali ŭ SIZA ŭ Žodzinie, potym na «Vaładarcy». U sakaviku 2023 hoda Minski haradski sud na zakrytym pasiadžeńni pryznaŭ dyrektara haziety «Biełorusy i rynok» Kanstancina Załatych vinavatym pavodle čatyroch artykułaŭ Kryminalnaha kodeksa, uklučna z abrazaj Łukašenki i raspalvańniem sacyjalnaj dy inšaj varažniečy i prysudziŭ jamu 4 hady źniavoleńnia. Svajoj viny Kanstancin Załatych nie pryznaŭ. Biełaruskija pravaabaroncy pryznali žurnalista palitviaźniem.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Śpiavačku Meryjem Hierasimienka na praciahu dvuch hadoŭ źbivaŭ muž43

Śpiavačku Meryjem Hierasimienka na praciahu dvuch hadoŭ źbivaŭ muž

Usie naviny →
Usie naviny

«Kava stanie raskošaj». Biełarusy šakavanyja cenami ŭ kramach16

«Apantanaści hieapalitykaj, jak u Rasii, u nas siońnia niama». Historyk parazvažaŭ, ci pieražyvuć biełarusy «russkij mir»16

Rubia patłumačyŭ zajavu Trampa pra zbroju dla Ukrainy za košt NATA

«Horad pracoŭnaj słavy 1941—1945». U Baranavičach adkryli manumient ź dziŭnaj nazvaj9

U Biełarusi i Rasii raspracujuć štučny intelekt z tradycyjnymi kaštoŭnaściami4

Asudzili za «sadziejańnie ekstremizmu» byłoha dyrektara škoły

Vučonyja znajšli ahromnistaje radovišča zołata, jakoje źmiaščaje 99,999% usiaho zołata płaniety8

U Polščy adbyłosia DTZ z aŭtobusam, poŭnym biełarusaŭ3

Makron zajaviŭ pra hatoŭnaść adpravić va Ukrainu 50 tysiač vajskoŭcaŭ6

bolš čytanych navin
bolš łajkanych navin

Śpiavačku Meryjem Hierasimienka na praciahu dvuch hadoŭ źbivaŭ muž43

Śpiavačku Meryjem Hierasimienka na praciahu dvuch hadoŭ źbivaŭ muž

Hałoŭnaje
Usie naviny →

Zaŭvaha:

 

 

 

 

Zakryć Paviedamić