Hramadstva11

Mikałaju Aŭtuchoviču za minuły hod nie pieradali nivodnaj banderoli

U viaźnicy jon sustrakaŭ užo dziaviaty Novy hod.

Mikałaju Aŭtuchoviču za hod tak i nie pieradali za kraty nivodnaj banderoli, chacia pavodle zakonu jamu naležyć atrymać nie mieniej za adnu. Pra heta «Radyjo Svaboda» raskazała svajačka byłoha pradprymalnika i pravaabaroncy, jakaja pražyvaje ŭ Polščy.

«Zahadzia adpravili jamu banderol ź vinšavańniem i cukierkami. Raźličvali, što jašče na Rastvo atrymaje, ale ŭžo i Novy hod, a banderol tak i nie dajšła. Vyśvietliłasia, što hety pakiet navat z pošty nie zabrali. Praź internet svajaki daviedalisia, jakaja pryčyna. Na sajcie pošty pračytali, što jon nibyta admoviŭsia atrymlivać. Ale ž heta niapraŭda», — pierakananaja svajačka Mikałaja Aŭtuchoviča.

Pavodle žančyny, 30 śniežnia Mikałaj koratka telefanavaŭ niekalkim svajakam. Krynica pieradała sens razmovaŭ z palitviaźniem.

«Usich pavinšavaŭ z nadychodziačym Novym hodam. Hołas byŭ badziory, skazaŭ pra siabie, što sa zdaroŭjem u jaho zbolšaha narmalna. Pra banderol skazaŭ, što jamu dazvolena adna na hod, ale dahetul ničoha nie atrymaŭ: «A sam ad banderoli nikoli nie admaŭlajusia».

Z pačatku śniežnia 2020 hodu Mikałaj Aŭtuchovič adbyvaje ŭžo treciaje ŭ svaim žyćci źniavoleńnie. 7 studzienia jamu spoŭnicca 61 hod. Usiaho, pavodle padlikaŭ svajakoŭ, palitviazień adznačyŭ u viaźnicach 9 navahodnich śviataŭ i 8 dzion naradžeńnia. Hetym razam jamu daviadziecca sustrakać dzień naradžeńnia ŭ adzinočcy haradzienskaj turmy.

«U jaho jość mahčymaść krychu hrošaj tracić u turemnaj kramie. Skazaŭ, što kupiŭ tam piečyva i cukierak, tamu zmoža adznačać śviaty z sałodkim. U našaj siamji šmat u kaho dni naradžeńnia prypadajuć na studzień i pačatak lutaha, tamu skazaŭ, što takim čynam adznačyć niekalki zapar śviataŭ», — padzialiłasia surazmoŭca.

Pavodle vyraku Horadzienskaha abłasnoha sudu Mikałaj Aŭtuchovič atrymaŭ 25 hadoŭ źniavoleńnia i hrašovy štraf u 1000 bazavych vieličyń, a taksama pazbaŭleńnie zvańnia praparščyka ŭ adstaŭcy. Pieršyja 5 hadoŭ źniavoleńnia były pradprymalnik i pravaabaronca musić adbyć u turmie, astatnija 20 hadoŭ — u kałonii strohaha režymu. Sud nazvaŭ Aŭtuchoviča vinavatym pavodle 10 artykułaŭ Kryminalnaha kodeksa, u tym liku ŭ stvareńni złačynnaj hrupoŭki i akcie teraryzmu. Svajoj viny Mikałaj Aŭtuchovič nie pryznaŭ, padčas pracesu jon trymaŭ haładoŭku pratestu. Viarchoŭny sud Biełarusi ŭ vyniku razhladu apielacyjnaj skarhi Aŭtuchoviča vyzvaliŭ jaho ad adbyćcia pakarańnia pavodle adnaho z abvinavačańniaŭ, ale ahulny termin źniavoleńnia pakinuŭ bieź źmienaŭ.

Biełaruskija pravaabaroncy pryznali Mikałaja Aŭtuchoviča palitviaźniem.

Kamientary1

  • Svabodu Palitviaźniam!
    02.01.2024
    Trymajsia, šanoŭny sp Mikoła. Dzie i kali budzie toje vyzvaleńnie...
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Sibiry zaharełasia i abrynułasia buravaja vyška «Biełarusnafty»2

U Sibiry zaharełasia i abrynułasia buravaja vyška «Biełarusnafty»

Usie naviny →
Usie naviny

Kancert hurta Metallica vyklikaŭ nievialiki ziemlatrus1

Biełaruskuju banknotu ŭ honar 80-hodździa Pieramohi ŭžo za vialikija hrošy pierapradajuć na eBay1

U Kramli paabiacali «padumać» nad prapanovaj ab 30-dzionnym pieramirji

Stała viadoma, jak pakarajuć mahiloŭskich dziaciej, jakija niepavažliva pastavilisia da dziaržaŭnaha salutu17

Styŭ Uitkaf padčas sustreč z Pucinym karystaŭsia pasłuhami štatnych pierakładčykaŭ z Kramla7

«Sałodkaja hlina za 9 rubloŭ». Biełarusy spračajucca z-za cany na šakaładku «Alonka»5

U Tadžykistanie zatrymali varažbitku, jakaja prymušała klijentaŭ zajmacca ź joj seksam5

Zbornaja Biełarusi vyjšła ŭ finał čempijanatu śvietu pa plažnym futbole6

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj44

bolš čytanych navin
bolš łajkanych navin

U Sibiry zaharełasia i abrynułasia buravaja vyška «Biełarusnafty»2

U Sibiry zaharełasia i abrynułasia buravaja vyška «Biełarusnafty»

Hałoŭnaje
Usie naviny →

Zaŭvaha:

 

 

 

 

Zakryć Paviedamić