Stała viadoma, ad čaho zahinuli ŭ haražy dvoje studentaŭ u Horkach
4 studzienia ŭ adnym z haražoŭ u Horkach vyjavili cieły dvaich studentaŭ. Chłopcam było 21 i 20 hadoŭ. Padčas pravierki było vyśvietlena, što chłopcy napiaredadni trahiedyi adznačali zdaču ekzamienu, a paśla zładzili viečarynku ŭ haražy. Ciapier sudovyja ekśpierty vyznačyli i pryčynu ich śmierci.
Jak raniej paviedamlałasia, trupy byli vyjaŭlenyja na piarednich siadzieńniach aŭto, kluč byŭ u zamku zapalvańnia ŭ stanoviščy «ŭklučana». Ruchavik pry hetym užo nie pracavaŭ.
«U kryvi pamierłych znojdzieny etyłavy śpirt u kancentracyi, jakaja adpaviadaje lohkaj stupieni apjanieńnia, i karboksihiemahłabin u śmiarotnaj kancentracyi (złučeńnie hiemahłabinu kryvi i čadnaha hazu, jakoje nie moža pieranosić pa kryvianosnaj sistemie kisłarod).
Danyja chimičnaj ekśpiertyzy dazvolili dziaržaŭnamu miedycynskamu sudovamu ekśpiertu pryjści da vysnovy, što
śmierć abodvuch maładych ludziej nastupiła ŭ vyniku vostraha inhalacyjnaha atručvańnia čadnym hazam, jaki vyłučajecca z vychłapnymi hazami, kali pracuje ruchavik aŭtamabila, i nazapašvajecca ŭ zamknionym pamiaškańni», — paviedamili ŭ Dziaržaŭnym kamitecie sudovych ekśpiertyz.
Čadny haz nie maje pachu i koleru, jon dziejničaje vielmi padstupna. Stan čałavieka pry praciahłym udychańni pavietra ź nievysokaj jaho kancentracyjaj pastupova paharšajecca. Paśla rezka słabiejuć ciahlicy, i čałaviek hublaje mahčymaść pierasoŭvacca. Pry vysokaj kancentracyi čadnaha hazu atručeńnie adbyvajecca vielmi chutka.
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ3
Kamientary