«Ciapier ab abmienie havorki vieścisia nie moža» — rasijski deputat pra krušeńnie Ił-76
Krušeńnie Ił-76 sarvała abmien rasijskimi i ŭkrainskimi pałonnymi, śćviardžaje staršynia kamiteta Dziarždumy Rasii pa abaronie Andrej Kartapołaŭ. Pavodle jaho słoŭ, taki abmien ciapier moža stać na paŭzu.
«Siońnia pavinien byŭ adbycca abmien 192 na 192. Voś pieršy [samalot] vioz 65 čałaviek, druhi — astatnich», — skazaŭ staršynia kamiteta Dziarždumy Rasii pa abaronie Andrej Kartapołaŭ, adkazvajučy na pytańnie ab kolkaści vajennapałonnych, jakich płanavałasia abmianiać.
Pavodle jaho słoŭ, śledam za pieršym samalotam lacieŭ druhi Ił-76, jaki vioz jašče kala 80 čałaviek vajennapałonnych, «jaho paśpieli raźviarnuć».
Kartapołaŭ skazaŭ, što paśla krušeńnia Ił-76 abmieny pałonnymi, vidać, buduć pastaŭlenyja na paŭzu: «Ciapier ab abmienie havorki vieścisia nie moža».
Jon davodzić, što samalot Ił-76 byŭ źbity «tryma rakietami zienitna-rakietnaha kompleksu albo Patriot, albo IRIS T niamieckaj vytvorčaści».
Minabarony Rasii śćviardžaje, što na borcie Ił-76 byli 65 pałonnych USU, jakich pieravozili dla abmienu, a taksama 6 členaŭ ekipažu i 3 supravadžajučyja. Ahułam 74 čałavieki, jany ŭsie zahinuli.
Raniej «Ukrainskaja praŭda» sa spasyłkaj na krynicy ŭ Siłach abarony pisała, što rasijski samalot Ił-76 byŭ źbity USU, a samalot pieravoziŭ rakiety da kompleksaŭ S-300, jakimi abstrelvajuć Charkaŭskuju vobłaść. Paźniej vydańnie vydaliła infarmacyju pra toje, što rasijski Ił-76 byŭ źbity USU. A «Suśpilnie» napisała, što Minabarony Ukrainy nie moža paćvierdzić datyčnaść ukrainskaj armii da padzieńnia borta ŭ Biełharadskaj vobłaści.
Aficyjna ŭkrainski bok zdareńnia pakul nie kamientavaŭ.
-
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ
-
«Heta budzie zusim novy i značna lepšy śviet». Tramp prakamientavaŭ prapanovu Pucina adnavić pieramovy z Ukrainaj
-
Pucin prapanavaŭ Ukrainie adnavić mirnyja pieramovy ŭ Stambule 15 maja
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary