Vykładčyku vajennaha fakulteta Bresckaha dziaržaŭnaha ŭniviersiteta prysudzili vialiki termin za «zdradu dziaržavie»
Sud nad im prajšoŭ jašče ŭ listapadzie minułaha hoda. Ale paćvierdzić jahonuju asobu atrymałasia tolki ciapier.
Dźmitryju Paźniakovu 42 hady. Jon, imavierna, rodam ź Bieraściejščyny, bo bolšuju častku žyćcia prapracavaŭ tam.
Nakolki viadoma, mužčyna niekali byŭ vajskoŭcam u 38-j asobnaj hvardziejskaj desantna-šturmavoj bryhadzie. Prynamsi, takija źviestki jość u bazie «Kibierpartyzanaŭ» za 2008 hod.
Paśla Dźmitryj pracavaŭ vajenkamam u Bresckaj vajskovaj kamiendatury, a taksama hod vykładaŭ na vajennym fakultecie Biełdziaržuniviersiteta. Jość navat padručnik, jaki jon napisaŭ dla BDU u suaŭtarstvie ŭ 2020-m.
Imavierna, što ŭ apošnija hady jon vykładaŭ na vajennym fakultecie Bresckaha dziaržaŭnaha ŭniviersiteta. Tam jon u 2022 hodzie ŭ suaŭtarstvie napisaŭ padručnik dy navukovy artykuł.
Pa źviestkach z elektronnych biblijatečnych katałohaŭ, Dźmitryj — suaŭtar dvuch dapamožnikaŭ: pa zienitnych kompleksach blizkaha dziejańnia, a taksama pa ŭstrojstvie BMP-2, pryznačanych dla studentaŭ vajennych śpiecyjalnaściaŭ.
Pa źviestkach z kantaktnych knih, Dźmitryj maje zvańnie padpałkoŭnika.
Kali pačałasia vajna z Ukrainaj, to proźvišča mužčyny ŭspłyło na ŭkrainskich resursach u śpisach bresckich desantnikaŭ. Prapanavałasia pierakonvać jaho nie atakavać Ukrainu, vykładalisia navat telefony dy inšyja kantaktnyja źviestki mierkavanych desantnikaŭ (častka ź ich daŭno nie słužyła ŭ častcy).
Data zatrymańnia Paźniakova nieviadomaja. Dźmitryja asudzili 20 listapada 2023 ŭ Bresckim abłasnym sudzie. Jamu inkryminavali č. 2 artykuła 356 Kryminalnaha kodeksa — «Zdrada dziaržavie, ździejśnienaja słužbovaj asobaj». Pa im praduhledžanaje pakarańnie ad 10 da 20 hadoŭ turmy. Jakoje pakarańnie atrymaŭ desantnik, nieviadoma.
16 studzienia 2024 hoda prajšła apielacyja pa spravie Paźniakova. Prysud ustupiŭ u siłu.
«Naša Niva» — bastyjon biełaruščyny
PADTRYMAĆAjcišnika z-pad Lidy sudziać za «zdradu dziaržavie». Jon doŭhi čas žyŭ u Hiermanii, ale viarnuŭsia ŭ Biełaruś
«Chacieła adznačyć jubilej ź siamjoj». Što viadoma pra Alaksandru Kasko, jakoj prysudzili 10 hadoŭ paśla viartańnia ŭ Biełaruś
Što novaha praviarajuć u telefonach na miažy pry viartańni ŭ Biełaruś
Učora Minsk znoŭ zatapiła. Čamu stalica nie hatovaja da daždžoŭ?4
Kamientary
A sapraŭdnyja zdradniki - heta pamahatyja kałabaracyjanisckaha režama na čale z ułasna ŭzurpataram z rukami pa łokać u kryvi biełarusaŭ i ukraincaŭ. Jany abaviazkova adkažuć za ŭsio, što jany zrbili suprać Biełarusi, i jany heta adčuvajuć. Čas nabližajecca.