«Sumiesnyja z Rasijaj padručniki niepatrebnyja». Cichanoŭskaja rezka prakamientavała navinu pra supolnyja dapamožniki
Demakratyčnaja lidarka prakamientavała infarmacyju pra toje, što Biełaruś i Rasija stvorać adziny padručnik pa historyi dla škołaŭ i vyšejšych navučalnych ustanovaŭ
«Režym užo nie raz sprabavaŭ pierapisvać našu historyju. Vykreślivaŭ z padručnikaŭ pamiatnyja daty, «admianiaŭ» nacyjanalnych hierojaŭ. Tak robić lubaja dyktatura: imknučysia zavałodać minułym, jana nacelvajecca kantralavać budučyniu.
Usio heta nahadvaje mnie časy SSSR. Tady taksama zabaranialisia knihi, pierajnačvalisia fakty. A tyja, chto sumniavaŭsia ŭ «palitycy partyi», padviarhalisia cisku. Ale navat u takich umovach ludzi znachodzili sposab daviedvacca praŭdu, dzialicca joju adzin z adnym. Mienavita ludzi imknulisia zachavać historyju, zusim nie dziaržava», — zajaviła Śviatłana Cichanoŭskaja.
«Darahija! Kožny krok režymu pad vyhladam «intehracyi» zabiraje ŭ nas kavałačak niezaležnaści.
Ale navat kali nam sprabujuć naviazać nieisnujučuju historyju, važna razumieć: adkaznaść za toje, što nasamreč buduć viedać dzieci, lažyć na nas z vami. I dla taho, kab raskazać im praŭdu, sumiesnyja z Rasijaj padručniki nie patrebnyja», — reziumavała demakratyčnaja lidarka.
Čytajcie taksama:
U Biełarusi i Rasii stvorać supolnyja padručniki pa historyi
Ciapier čytajuć
Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili5
Kamientary
A Švied na zonie budzie rasšyvać i fasavać dla pierapracoŭcy u jakaści druhasnaj syraviny padručniki pa h.z."hienocidu biełorusskoho naroda"