U viciebskaj kałonii prymajuć dla asudžanych tolki abutak firmy «Marka»
Svajakam asudžanych, jakija adbyvajuć pakarańnie ŭ kałonii № 3 u Viciebsku, dazvolili ŭ rečavych pieradačach dasyłać viaźniam na vybar čaraviki ŭsiaho dvuch artykułaŭ — Marko 47207 abo Marko 47165. Inšy abutak pa-raniejšamu pad zabaronaj, daviedaŭsia Mayday.team.
Z kastryčnika minułaha hoda praktyčna va ŭsich biełaruskich kałonijach u rečavych pieradačach pierastali prymać abutak, jaki svajaki asudžanych kuplali zamiest niajakasnaha, vydadzienaha ŭ kałonii. Takim čynam kiraŭnictva pienitencyjarnych ustanoŭ dapamahała raspradać tavar ułasnych abutkovych cechaŭ.
U Viciebsku ź lutaha zrabili vyklučeńnie. Padobna na toje, što viciebski vytvorca abutku zmoh damovicca z Upraŭleńniem Departamienta vykanańnia pakarańniaŭ pa Viciebskaj vobłaści na davoli vysokim uzroŭni.
Nahadajem, što na ciapierašnich vybarach u Viciebski abłasny saviet deputataŭ bałatujecca Pavieł Martynaŭ — hiendyrektar chołdynhu «Marka» i syn jahonaha ŭładalnika.
Kamientary