U Rasii prakamientavali situacyju z zakupkami biełaruskaha paliva
Na fonie pazapłanavych ramontaŭ z-za ŭkrainskich dronavych atak na šerahu rasijskich NPZ źjaviłasia infarmacyja pra naroščvańnie pastavak na rasijski rynak biełaruskaha paliva. Pra heta ŭčora paviedamiła ahienctva Reuters, spasyłajučysia na svaje krynicy. Ciapier na heta źjaviłasia i reakcyja z rasijskaha boku.
Pavodle słoŭ kiraŭnika kamiteta enierhietyki Dziarždumy Paŭła Zavalnaha, Maskva sapraŭdy damoviłasia ź Minskam pra rost pastavak paliva na rasijski rynak u vypadku nieabchodnaści.
Pry hetym Pavieł Zavalny ŭdakładniŭ, što Biełaruś i da hetaha nibyta pastaŭlała paliva, ale ciapier prapracavany varyjant pavieličeńnia abjomu, kab padstrachavacca i vyklučyć pytańni z mahčymym deficytam.
Pry hetym, pavodle śviedčańnia vysokapastaŭlenaha deputatata, ciapier nijakaha deficytu nibyta niama. Zapasy bienzinu i dyziela ciapier, maŭlaŭ, pieravyšajuć siaredniehadavyja ŭzroŭni i damoŭlenaści dasiahnutyja na vypadak ekstrannaj situacyi.
«Ale, uličvajučy situacyju, kab nie stvarać napružanaść, na ŭsialaki vypadak my damovilisia ź biełarusami pra pastaŭki. I dziakuj našym bratam biełarusam, što jany z hetym pahadzilisia, niahledziačy na toje, što ŭ ich jość ekspartnaja alternatyva, bolš premijalny rynak dla pastavak paliva», — zajaviŭ Zavalny.
Čytajcie taksama:
Rasija pavialičvaje impart bienzinu ź Biełarusi z-za atak bieśpiłotnikaŭ na rasijskija NPZ
Na Kujbyšaŭskim NPZ pad Samaraj paśla ataki bieśpiłotnika adbyŭsia pažar
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary