Abvinavačanyja ŭ terakcie ŭ «Krokusie» «pryznalisia», što jechali ŭ Kijeŭ pa ŭznaharodžańnie
Abvinavačanyja ŭ ździajśnieńni teraktu ŭ «Krokusie» pajechali ŭ bok rasijska-ŭkrainskaj miažy, nibyta kirujučysia instrukcyjami mužčyny, jaki kaardynavaŭ ichnija dziejańni z dapamohaj hałasavych paviedamleńniaŭ u Telegram, paviedamiŭ rasijski Śledčy kamitet.
«Pa ŭkazańni kaardynatara terarysty paśla ździajśnieńnia złačynstva na aŭtamabili pajechali ŭ bok rasiejska-ŭkrainskaj miažy dla nastupnaha jaje pierasiačeńnia i prybyćcia ŭ Kijeŭ dla atrymańnia abiacanaha im uznaharodžańnia», — havorycca ŭ aficyjnym paviedamleńni Śledčaha kamiteta.
Ci jość usiamu hetamu niejkija faktyčnyja dokazy, a nie tolki śviedčańni padazravanych, nie paviedamlajecca.
Varta adznačyć, što paśla taho, jak padazravanych u terakcie zatrymali, rasijskija siłaviki navat nie rabili vyhladu, što śledčyja dziejańni ź imi abychodziacca biez prymianieńnia žorstkich katavańniaŭ. Uvieś śviet ablacieli kadry, jak padčas zatrymańnia va ŭžo pakładzienaha na ziamlu čałavieka adrazajuć vucha i patrabujuć jaho jeści. Paśla prynamsi adnaho z zatrymanych katavali pry dapamozie elektryčnaha toku, a na sud, jaki vyrašaŭ pytańnie ab aryšcie padazravanych na dva miesiacy, usich ich pryvieźli z vyraznymi prykmietami źbićcia, a adzin z mužčyn uvohule nie moh samastojna ruchacca.
Miž tym, siońnia Basmanny sud Maskvy adpraviŭ pad aryšt užo dziaviataha padazravanaha ŭ terakcie. U materyjałach spravy havorycca, što zatrymany jon byŭ na nastupny dzień paśla teraktu z-za niecenzurnaj łajanki pry praviercy dakumientaŭ. Spačatku mužčyna atrymaŭ administracyjny aryšt, a kryminalny skład źjaviŭsia paźniej.
Šmatdzietny baćka, biespracoŭny, prychilnik telehram-prapaviednikaŭ i niaspraŭdžany barbier. Što viadoma pra abvinavačanych u stralaninie ŭ «Krokusie»
U rasijskaha śpiecnazaŭca, jaki adrezaŭ vucha zatrymanamu tadžyku, na formie našyŭka z kołavarotam, pryroŭnienym da svastyki
«Džychadysty asablivaj roźnicy pamiž Biełaruśsiu i Rasijaj nie robiać». Ci pahražajuć terakty IDIŁ Biełarusi?
Čamu Cichanoŭskaja nie pajechała na pachavańnie Papy?23
Kamientary