Paciarpiełyja pry terakcie ŭ «Krokusie» źviarnulisia ŭ SK z zajavaj suprać uładalnikaŭ kancertnaj zały
U zajavie na imia kiraŭnika SK Alaksandra Bastrykina skazana, što ŭładalniki «Krokusa» mahli nie ŭ naležnaj miery zajmacca supraćpažarnaj abaronaj.
Tak, u dakumiencie havorycca, što zasłona sceny ŭ kancertnaj zale zaharełasia «na praciahu niekalkich siekund», što, pa mierkavańni abarony, moža śviedčyć pra parušeńnie supraćpažarnych normaŭ: zasłona pavinna być vyrablena z vohnieŭstojlivaha pałatna z pakryćciom z admysłovaha składu, piša «Mieduza».
«Na praciahu niekalkich siekund paśla pačatku pažaru zaharelisia i padtrymlivali hareńnie kresły hladzielnaj zały, u toj čas jak jany pavinny być vyrableny z vohnieŭstojlivych materyjałaŭ», — pakazana ŭ zajavie.
U dakumiencie taksama śćviardžajecca, što «Procipažarnaja vadzianaja zasłona» i sistema dymavydaleńnia «Krokusa», jakaja praduhledžvaje adkryćcio vientylacyjnych lukaŭ i voknaŭ paśla zdareńnia, «była ŭ niepracoŭnym stanie». Advakat Ihar Trunoŭ dadaŭ, što, pavodle pakazańniaŭ śviedak, bolšaść evakuacyjnych vychadaŭ u momant teraktu i evakuacyi byli zakrytyja.
Padčas teraktu ŭ «Krokus Sici Chole» terarysty ŭčynili pažar, raźliŭšy bienzin, pryniesieny ŭ butelkach.
Kiraŭnik SK Alaksandr Bastrykin kazaŭ, što mahčymaje parušeńnie patrabavańniaŭ pažarnaj biaśpieki stanie adnym ź viektaraŭ rasśledavańnia. Pa apošnich danych, pry terakcie ŭ «Krokusie» zahinuli 144 čałavieki i bolš za 550 čałaviek paciarpieli.
U maskoŭskim adździele palicyi pamior uradženiec Čačni, jakoha zatrymali paśla terakta ŭ «Krokusie»
«Pierad vačyma staić hety moj zabieh i słovy ź pieśni pra myšałoŭku». Biełaruska, jakaja ŭratavałasia ŭ «Krokusie», raskazała, jak joj heta ŭdałosia
Reuters: Iran papiaredžvaŭ rasijskija śpiecsłužby pra padrychtoŭku napadu na «Krokus»
Rasijski hienierał ličyć, što terarystami ŭ «Krokusie» kiravali zachodnija śpiecsłužby praz ušytyja čypy
Ciapier čytajuć
«Adny vierać, što viernucca, inšyja — nie». Jak pracuje biełaruskaja škoła ŭ Polščy1
Kamientary