Režysiora Andreja Hniota sud u Białhradzie pakinuŭ pad vartaj da vyniasieńnia rašeńnia
Pazasudovaja kalehija ŭ stalicy Sierbii razhledzieła spravu nakont ekstradycyi biełaruskaha režysiora Andreja Hniota ŭ Biełaruś, pasiadžeńni prachodzili 26 sakavika i 1 krasavika.
Na słuchańniach z sudździoj pa papiarednim razhladzie razhladalisia pytańni, źviazanyja z ekstradycyjaj Andreja Hniota ŭ Biełaruś. Pa infarmacyi jurystaŭ, jakija ŭdzielničajuć u pracesie, Andrej vystupiŭ pierad sudom i pradstaviŭ usie dokazy, jakija jon ličyć važnymi.
Zaraz kalehija z troch sudździaŭ Vysokaha suda Białhrada prymaje rašeńnie ab vykanańni ŭmoŭ dla ekstradycyi. Papiarednie, advakaty čakajuć rašeńnia čakajuć ciaham miesiaca. Andrej Hniot pa-raniejšamu zastajecca pad vartaj, piša Deutsche Welle.
Andrej Hniot — biełaruski žurnalist, režysior, suzasnavalnik «Svabodnaha abjadnańnia spartsmienaŭ SOS BY», pryznanaha ŭ Biełarusi «ekstremisckim farmavańniem». Hniota zatrymali ŭ kastryčniku 2023 hoda ŭ Sierbii pa zapycie biełaruskich uładaŭ, jakija abviaścili jaho ŭ vyšuk praź Interpał u suviazi sa spravaj ab padatkach. Abarona nastojvaje, što pieraśled palityčna matyvavany, a na radzimie jaho mohuć čakać katavańni.
U śniežni 2023 hoda sud pieršaj instancyi ŭchvaliŭ departacyju Hniota ŭ Biełaruś, ale ŭ sakaviku 2024 hoda Vyšejšy sud (apielacyjny) admianiŭ rašeńnie i adpraviŭ spravu na pierahlad.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary