U Krakavie projdzie prezientacyja biełaruskaha pierakładu «Lehiendy Sonnaj Łahčyny»
Zbornik apovieściaŭ amierykanskaha piśmieńnika-ramantyka Vašynhtona Irvinha vychodzić u pierakładzie Andreja Dubovika
Prezientacyja knihi «Lehienda Sonnaj Łahčyny» adbudziecca 15 krasavika ŭ prastory krakaŭskaha vydaviectva Gutenberg Publisher. Na sustrečy budzie prysutničać i pierakładčyk słynnych tvoraŭ XIX stahodździa.
«U knihu ŭvajšli try mistyčnyja apaviadańni: «Lehienda Sonnaj Łahčyny», «Ryp Van Vinkl» i «Žanich-zdań», — adznačaje vydaviectva. — Vašynhton Irvinh umieje skroź dobruju ŭśmiešku raskazvać historyi, ad jakich kroŭ mahła b zastyhnuć u žyłach, vaźmisia za jaje čałaviek, jaki choča vas napałochać. Ale hety aŭtar nie choča vas pałochać, vam utulna i biaśpiečna ŭ jaho kampanii. Razam ź im vy paśmiajeciesia nad žyćciom i zdareńniami i zakryjecie knižku z pryjemnym paślasmakam raskrytaj tajamnicy i chepi-endu», — anansuje navinku Gutenberg Publisher.
U partniorstvie z «Knižnym vozam» vyjšła ŭžo aŭdyjoviersija knižki. Na płatformie prosta ciapier možna pasłuchać adnu z historyj; aŭdyjokniha całkam dastupnaja na bujnych placoŭkach za nievialikuju płatu.
Na sustrečy 15 krasavika pa adrasie Łobzowska 15 možna budzie nabyć apošnija navinki, u tym liku biełaruski pierakład ramana Sašy Filipienka «Były syn».
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary