U Hrecyi adbyłasia ŭračystaja cyrymonija zapalvańnia alimpijskaha ahniu FOTAFAKT
Da Letniaj Alimpijady zastałosia 100 dzion. Ale ŭ biełaruskich spartoŭcaŭ pakul tolki 19 licenzij (propuskaŭ na Hulni).
U Staražytnaj Alimpii (Hrecyja) adbyłasia cyrymonija zapalvańnia ahniu Hulniaŭ XXXIII Alimpijady, jakija z 26 lipienia pa 11 žniŭnia projduć u Paryžy.
Alimpijskaja estafieta budzie prachodzić u Hrecyi 11 dzion. Dalej 26 krasavika ahoń prybudzie ŭ Afiny, dzie jaho pieradaduć arhanizacyjnamu kamitetu «Paryž-2024» na Panafiniejskim stadyjonie. Na borcie «Bielemy» (znakamitaha trochmačtavaha sudna, upieršyniu spuščanaha na vadu ŭ 1896 hodzie) ahoń prybudzie ŭ Marsel 8 maja.
Na aficyjnaj cyrymonii zapalvańnia alimpijskaha ahniu ŭ aŭtorak prysutničali prezident Hrecyi Kaciaryna Sakiełaropułu, prezident Mižnarodnaha alimpijskaha kamiteta, Tomas Bach, kiraŭnik arhkamiteta «Paryž-2024» Toni Estanhie, francuzski ministr sportu, Alimpijskich i Paralimpijskich hulniaŭ Amieli Udea-Kastera, mer Paryža An Idalho, prezident Jeŭrapiejskaha alimpijskaha kamiteta i člen MAK Śpiras Kaprałas, paviedamlaje Nacyjanalny alimpijski kamitet Biełarusi ŭ svaim telehram-kanale.
Jak paviedamlałasia raniej, Mižnarodny alimpijski kamitet dazvoliŭ udzielničać biełarusam i rasijanam u indyvidualnym paradku ŭ niejtralnym statusie, a taksama vystupiŭšy suprać rasijskaha ŭvarvańnia va Ukrainu i adchryściŭšysia ad supracoŭnitva ź siłavymi strukturami.
Pakul pa stanie na 16 krasavika ŭ biełarusaŭ 19 licenzij (propuskaŭ) na Alimpijadu.
U Tokia-2021 udzielničali 108 biełaruskich spartoŭcaŭ, jakija zavajavali ŭsiaho siem miedaloŭ (histaryčny minimum): adno zołata (Ivan Litvinovič — batut), try siarebranyja i try bronzavyja miedali.
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary