Delehatami «Usienarodnaha biełaruskaha schodu» buduć 1162 čałavieki
UNS projdzie 24-25 krasavika.
Całkam sfarmavany skład udzielnikaŭ UNS, delehatami buduć 1162 čałavieki. Pra heta paviedamiŭ premjer-ministr Raman Hałoŭčanka na naradzie ŭ Alaksandra Łukašenki pa pytańniach padrychtoŭki «Usiebiełaruskaha narodnaha schodu», — piša BiełTA.
Arhkamitet pa padrychtoŭcy pasiadžeńnia UNS, pa słovach premjer-ministra, ščylna pracavaŭ, i ŭsie daručeńni «vykonvajucca słužbovymi asobami vyčarpalna i svoječasova».
«Na biahučy momant całkam sfarmavany skład udzielnikaŭ UNS. Detalova adpracavanyja pytańni ich transparciroŭki, raźmiaščeńnia, charčavańnia, biaśpieki, — skazaŭ Raman Hałoŭčanka. — Usiaho na hety momant 1162 delehaty, u ich liku na pasadzie 412 čałaviek, šlacham abrańnia — 750 čałaviek, u tym liku 402 mužčyny i 348 žančyn».
Ad miascovych savietaŭ deputataŭ dla ŭdziełu delehavanyja 350 čałaviek, ad tak zvanaj «hramadzianskaj supolnaści» — 400. «Usie pracedury abrańnia delehataŭ praviedzienyja ŭ poŭnaj adpaviednaści z zakonam», — padkreśliŭ premjer-ministr.
Što datyčycca zaprošanych asob, jakija nie źjaŭlajucca delehatami, ale biaruć udzieł u UNS, – ich 715 čałaviek, u tym liku 68 «zasłužanych pradstaŭnikoŭ biełaruskaha hramadstva» i 7 rehijanalnych delehacyj, u kožnuju ź jakich uvachodziać 68 čałaviek, uklučajučy pradstaŭnikoŭ rehijanalnych aficyjny' ŚMI, śfiery achovy zdaroŭja, adukacyi, siłavoha błoka, pradpryjemstvaŭ, a taksama byłyja kiraŭniki rehijonaŭ i hanarovyja hramadzianie administracyjna-terytaryjalnych adzinak.
Va UNS zapłanavana prysutnaść 31 zamiežnika.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary