Šajhu zajaviŭ ab płanach pavysić intensiŭnaść udaraŭ pa łahistycy Ukrainy
Kiraŭnik rasijskaha vajskovaha viedamstva zajaviŭ, što bajavy patencyjał Uzbrojenych sił Rasii nie dazvalaje ŭkrainskim vajskoŭcam utrymlivać liniju abarony.
Ministr abarony Rasii Siarhiej Šajhu zajaviŭ, što ŭzbrojenyja siły pavysiać intensiŭnaść udaraŭ pa łahistyčnych centrach i bazach zachoŭvańnia Zachodniaj zbroi va Ukrainie, piša RBK.
«Uzbrojenyja siły Rasii praciahnuć vyrašać pastaŭlenyja zadačy da poŭnaha dasiahnieńnia metaŭ śpiecapieracyi», — skazaŭ jon.
Zajava Šajhu prahučała na fonie rašeńnia Pałaty pradstaŭnikoŭ Kanhresa ZŠA ŭchvalić vydzialeńnie $ 61 młrd u dapamohu Ukrainie. Pa danych Politico, u najbližejšy pakiet uvojduć BMP Bradley, bronietransparciory M113, artyleryja, bojeprypasy, rakiety ATACMS. Taksama najbujniejšy pakiet vajennaj dapamohi Kijevu sa snaradami dla SPA i kryłatymi rakietami Storm Shadow anansavała Vialikabrytanija.
Taksama kiraŭnik vajennaha viedamstva raspavioŭ, što rasieijskija vajskoŭcy vałodajuć inicyjatyvaj pa ŭsioj linii bajavoha sudakranańnia. «Naš vysoki bajavy patencyjał dazvalaje pastajanna akazvać ahniavoje ŭździejańnie na praciŭnika, nie davać jamu ŭtrymlivać liniju abarony», — skazaŭ jon.
Šajhu taksama nahadaŭ, što za apošnija dni rasiejskija vajskoŭcy zaniali ŭ Danbasie Bahdanaŭku, Novamichajłaŭku i Pieršamajskaje. Pavodle jaho słoŭ, idzie pašyreńnie zony kantrolu ŭ Hieorhijeŭcy (na zachad ad Marjinki) i ŭ Bierdyčach (na paŭnočny zachad ad Aŭdziejeŭki).
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1111
Kamientary