40-hadovy Ramazan Jyłmaz z horada Bursa adčuŭ zubny bol i źviarnuŭsia ŭ pryvatnuju kliniku.
Stamatołah vyrvaŭ jamu chvory zub i rekamiendavaŭ ustanavić zamiest jaho impłant. Jak raskazaŭ pacyjent, padčas apieracyi doktar paskardziŭsia miedsiastry, što prystasavańnie dla ŭstanoŭki impłanta niaspraŭnaje. Tamu doktar staŭ dziejničać uručnuju, piša Bild.
Dantyst zakruciŭ impłant z takoj siłaj, što prałamaŭ kostki čerapa i patrapiŭ u mozh. Jyłmaz pačuŭ chrust, ale doktar zapeŭniŭ jaho, što heta narmalna.
Zatym pacyjent staŭ kryčać ad žudasnaha bolu. Zrazumieŭšy pamyłku, dantyst advioz mužčynu ŭ lakarniu. Tam Jyłmazu praviali terminovuju apieracyju, papiaredziŭšy, što jamu pahražaje śmierć.
Mužčyna raźvitaŭsia z žonkaj i dvuma dziećmi, ale, na ščaście, umiašańnie prajšło paśpiachova, inšarodnaje cieła vydalili.
Stamatołah admaŭlajecca viarnuć jamu hrošy za «lačeńnie».
Kamientary