Hramadstva2020

Sachaščyk: Kali b ja supracoŭničaŭ z KDB, ja b adpraviŭ tudy list nieprykmietna 

Pradstaŭnik Abjadnanaha pierachodnaha kabinieta pa abaronie Valeryj Sachaščyk padrabiazna raspavioŭ pra historyju z sakretnym listom ab napadach bieśpiłotnikaŭ na Biełaruś, paviedamlaje «Radyjo Svaboda». Pry hetym palityk i biznesmien prakamientavaŭ vykazvańni, što jon nibyta supracoŭničaje ź biełaruskimi śpiecsłužbami.

Pavodle słoŭ Sachaščyka, infarmacyju pra płanavanyja napady na krytyčna važnuju enierhietyčnuju infrastrukturu Biełarusi jon atrymaŭ ź niekalkich krynic u pravaachoŭnych orhanach jeŭrapiejskich krain. Sumnieńniaŭ u kampietentnaści hetych orhanaŭ u jaho niama.

Sachaščyk adznačaje, što jahony list, jaki trapiŭ u ŚMI — heta tolki adno ź dziejańniaŭ, jakoje raspačała jahonaja kamanda, kab praduchilić ataku:

«My zrabili heta pa prośbie našych jeŭrapiejskich partnioraŭ i pa ŭzhadnieńni ź imi. Heta prafiłaktyčny krok, kab rastłumačyć usim, čamu hetaha rabić nielha, i jakija mohuć być nastupstvy».

Sachaščyku vidavočna, što padrychtoŭka da takoj akcyi viałasia, i za joj, vierahodna, staić Rasija.

«Heta moža być vyhadna tolki Rasijskaj Fiederacyi, pakolki ŭrady nivodnaj z krain, jakija miažujuć ź Biełaruśsiu, aficyjna nie dapuściać jakich-niebudź varožych dziejańniaŭ u dačynieńni da Biełarusi. Rasii vyhadna ździajśniać pravakacyi, kab adciahnuć uvahu ad svaich dziejańniaŭ va Ukrainie i ŭciahnuć u kanflikt Biełaruś», — padzialiŭsia mierkavańniem Sachaščyk.

Taksama padpałkoŭnik vykazaŭsia z nahody abvinavačvańniaŭ u supracoŭnictvie z KDB:

«Što tyčycca napadak, byccam ja supracoŭničaju z KDB. Kali b heta było tak, ja b, napeŭna, nieprykmietna adpraviŭ hetuju infarmacyju ŭ KDB. Ale ja adrasavaŭ hetuju infarmacyju vajenizavanym farmavańniam i biełaruskim arhanizacyjam, dzie jość ludzi, zdolnyja na takija rečy. My nikoha nie abvinavacili. My prosta patłumačyli, što kali heta adbudziecca, mohuć być surjoznyja nastupstvy».

Sachaščyk ličyć, što ludzi, jakija apublikavali list, pracavali na KDB.

«Ja byŭ ździŭleny, ubačyŭšy reakcyju niekatorych našych tak zvanych demakratyčnych ŚMI. Mnie zdajecca, jany prajavili niaśpiełaść. Ja razumieju, što kolkaść prahladaŭ, imavierna, pavialičycca, kali majo proźvišča budzie napisanaje zahałoŭnymi litarami ŭ zahałoŭku i pobač ź im abrevijatura KDB», — adznačyŭ palityk.

Nahadajem, u kancy krasavika ŭ siecivie źjaviŭsia list pad hryfam «Sakretna», u jakim Valeryj Sachaščyk papiaredžvaŭ pra padrychtoŭku biełaruskimi vajenizavanymi farmavańniami ataki na abjekty enierhietyčnaj infrastruktury ŭ Biełarusi. Charakterna, što pierad publikacyjaj lista pra płanavańnie takoj akcyi raskazaŭ kiraŭnik KDB Ivan Cierciel.

U Jeŭropie takoj zajavaj Sachaščyka byli ździŭlenyja. Sam pradstaŭnik APK zaklikaŭ demakratyčnyja ŚMI nie publikavać sakretnyja dakumienty.

Kamientary20

  • Diemokrat
    08.05.2024
    Kłoun.
  • Mładšy lejcienant
    08.05.2024
    Karysny idyjot - znachodka dla KDB.
  • baradzied
    08.05.2024
    u Valera ŭžo cełaja kupa historyj jak jon svaimi dziejańniami papiaredžvaŭ "pravakacyi"
    cikava, abaraniać minharvykankam i akreścina ad pratestoŭcaŭ taksama jeŭrapiejskija partniory paprasili?

Ciapier čytajuć

«Tufli — 400 rubloŭ». Vypuskniki dzielacca, u kolki abyšlisia ich vobrazy2

«Tufli — 400 rubloŭ». Vypuskniki dzielacca, u kolki abyšlisia ich vobrazy

Usie naviny →
Usie naviny

Indyjski miljarder pamior paśla taho, jak prahłynuŭ pčału padčas hulni ŭ poła1

Detali apieracyi «Masada»: Izrail niekalki miesiacaŭ tajemna pryvoziŭ zapčastki dla dronaŭ i bojeprypasy ŭ Iran1

Izrail udaryŭ pa Tehieranie. Atakavana taksama štab-kvatera Minabarony Irana3

Papularnaja hrodzienskaja błohierka prarekłamavała kramu z tavarami, vyrablenymi ŭ kałonijach. Aŭdytoryja nie acaniła10

U Biełarusi na vulicach źjavilisia čyrvonyja kanapy. Voś što heta značyć5

Za palityku asudzili šmatdzietnaha baćku-viernika. Jaho žonka pamierła dva hady tamu8

Irancy ŭciakajuć z bujnych haradoŭ, na darohach zatory — Nietańjachu abiacaje novyja ŭdary4

DAI nazvała, kolki vypusknikoŭ aŭtaškoł zdajuć ź pieršaj sproby i jak źmianiŭsia paradak pryjomu ekzamienaŭ1

Kiroŭca rejsavaha aŭtobusa Minsk-Vilnia sprabavaŭ pravieści 50 błokaŭ cyharet. Jaho zatrymali prosta na miažy1

bolš čytanych navin
bolš łajkanych navin

«Tufli — 400 rubloŭ». Vypuskniki dzielacca, u kolki abyšlisia ich vobrazy2

«Tufli — 400 rubloŭ». Vypuskniki dzielacca, u kolki abyšlisia ich vobrazy

Hałoŭnaje
Usie naviny →

Zaŭvaha:

 

 

 

 

Zakryć Paviedamić