Hramadstva2727

Što raskazvała siabram dziaŭčyna, jakuju abvinavacili ŭ pravakacyjach suprać Kaleśnikavaj

«Naša Niva» pisała pra dźviuch źniavolenych žanočaj kałonii № 4: pa śviedčańniach susiedziaŭ, Ramina Piatravičus i Steła Mamulan supracoŭničali z administracyjaj i presavali źniavolenych, u tym liku palityčnych. Śćviardžałasia, što siarod ich achviar była i Maryja Kaleśnikava. Ciapier z nami źviazalisia znajomyja Steły Mamulan, kab pierakazać jaje praŭdu.

Steła Mamulan i Maryja Kaleśnikava. Fota: sacsietki, Ramil Nasibulin / BelTA pool photo via AP

Steła Mamulan ciapier znachodzicca na voli, u kałonii jana adbyvała termin pa artykule 211 Kryminalnaha kodeksu — «Prysvajeńnie abo rastrata». Da turmy Steła pracavała barmenkaj i padpisvała dakumienty ad imia dyrektara — niešta, źviazanaje z čornymi hrašyma.

Inšyja eks-źniavolenyja raskazvali pra dziaŭčynu, što jaje zadačaj była raspracoŭka palitźniavolenych — maŭlaŭ, Mamulan ładziła pravakacyi: mahła napaści na žančynu, padstavić jaje ci padkinuć niešta zabaronienaje. 

Siabry Steły raskazvajuć, što ŭ asabistaj razmovie dziaŭčyna admaŭlała svoj udzieł u lubych pravakacyjach: kazała, što takoha nie było i što inšyja źniavolenyja chłusiać. Ale navošta im heta i čamu jany nazyvali mienavita imia Steły, jana nie viedaje. Dziaŭčyna admaŭlaje i svajo supracoŭnictva z apieratyŭnikami — maŭlaŭ, nichto z administracyjaj nie supracoŭničaŭ.

Dziaŭčyna pryznavałasia, što nasamreč adčuvała da Kaleśnikavaj asabistuju niepryjaznaść, i adznačała dźvie pryčyny hetaha. Pa-pieršaje, Mamulan charaktaryzavała Kaleśnikavu jak čałavieka, jaki staviŭ siabie vyšej za astatnich, byccam by Maryja dumała, što joj u kałonii ŭsie pavinnyja. Steła nie źviazvaje cisk na Kaleśnikavu ź dziejańniami administracyi — pavodle jaje słoŭ, heta Maryja vinavataja ŭ svaich prablemach u kałonii, bo byccam by nie vykonvała praviły rasparadku: naprykład, nie vitałasia z supracoŭnikami, kali źniavolenyja išli ŭ šychcie. 

Za «parušeńni» Maryi časam atrymlivaŭ pakarańnie ŭvieś jaje atrad, u tym liku i «piensijaniery» — pažyłyja źniavolenyja. Pavodle słoŭ Steły, Kaleśnikava staviłasia da hetaha abyjakava i z naśmieškaj. 

Steła raskazvała i pra abvinavačvańni ŭ tym, što jana spravakavała Kaleśnikavu na parušeńni, z-za jakich taja dvojčy apynułasia ŭ ŠIZA. Pieršy rapart Kaleśnikava atrymała, kali Steła pazyčyła hadzińnik i, pavodle słoŭ inšych źniavolenych, prademanstravała hety hadzińnik supracoŭnikam kałonii. A čymści dzialicca — farmalna parušeńnie ŭnutranych praviłaŭ.

Jak nam stała viadoma, sama dziaŭčyna raskazvaje pra heta pa-inšamu: pavodle jaje słoŭ, Maryja dała joj hadzińnik na čas spabornictvaŭ, ale prosta padčas ich da Steły padyšli supracoŭniki i zabrali hadzińnik. Spahnańnie za heta atrymali abiedźvie — i Kaleśnikava, i Mamulan. Praŭda, Maryju adpravili ŭ ŠIZA, a Stełu pazbavili doŭhaha spatkańnia.

U našym artykule była i druhaja historyja pra Kaleśnikavu i parušeńnie. Adnojčy Maryi pastavili rapart za «parušeńnie», bo jana byccam by biez dazvołu pakinuła pracoŭnaje miesca. Kaleśnikava pracavała švačkaj, i niejak joj treba było vyjści ŭ prybiralniu — u takich vypadkach źniavolenyja zvyčajna kryčali bryhadzircy, što vychodziać. To-bok papiaredžvali jaje takim čynam.

Źniavolenaja, ź jakoj my hutaryli, upeŭnienaja, što i Kaleśnikava nie mahła syści biez papiaredžańnia. Tym nie mienš, jana atrymała rapart za «samavolny» sychod — na dumku inšych źniavolenych, Steła daniesła supracoŭnikam na Maryju.

A voś jak sama Steła tłumačyła hetuju historyju siabram. Pavodle jaje słoŭ, jana nasamreč była ŭ adnoj bryhadzie z Kaleśnikavaj. Pa darozie na abied Maryja zajšła ŭ inšuju bryhadu, kab pahladzieć na cacku, jakuju zrabiła svaimi rukami adna źniavolenaja. Praz tydzień supracoŭniki pabačyli heta na videazapisach i dali Kaleśnikavaj parušeńnie.

Steła apisvała Maryju jak razumnaha čałavieka, jakoha ciažka padvieści pad parušeńnie. Pavodle jaje słoŭ, Kaleśnikava ŭsio razumieła i ŭśviedamlała, što robić.

Tyja parušeńni stali pieršymi prajavami cisku na Maryju. Ź ciaham času jana atrymlivała ŭsio novyja i novyja sutki ŭ ŠIZA, u listapadzie 2022-ha jaje prosta z ŠIZA pavieźli ŭ reanimacyju pa pryčynie prabadnoj jazvy. Paźniej Kaleśnikavu adpravili ŭ PKT (pamiaškańnie kamiernaha typu), na siońnia jaje dakładny los nieviadomy.

My spytali ŭ byłoj palitźniavolenaj Mii Mitkievič, ci varta daviarać alternatyŭnaj viersii padziej. Mija kaža, što ŭ tamtejšaj sistemie ničoha nie adbyvajecca prosta tak, i za ŭsimi dziejańniami asudžanych niešta chavajecca. Pavodle jaje słoŭ, Steła ŭsio ž nie atrymała spahnańnie za vypadak z hadzińnikam. Toje, što Kaleśnikava mahła padyści da inšaj žančyny, kab pahladzieć cacku, Mija taksama kateharyčna abviarhaje. Jana nahadvaje: Maryi ŭvohule było zabaroniena kantaktavać ź inšymi źniavolenymi.

«Naša Niva» — bastyjon biełaruščyny

PADTRYMAĆ

Kamientary27

  • Axel Justas
    26.05.2024
    Prosta ahidna...
  • M
    26.05.2024
    Steła - typovaja stukačka. Niama joj nijakaj viery
  • Złobnyj vožyk
    26.05.2024
    Pieried druźjami otmyvajetsia eta Mamulan. Tvoi słova zvučat niepravdopodobno. Hadiušničała, tiepieŕ chodi s čiernoj mietkoj.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Kiraŭnik Lidy zaklikaŭ siłavikoŭ nie spyniać palityčnyja represii

Kiraŭnik Lidy zaklikaŭ siłavikoŭ nie spyniać palityčnyja represii

Usie naviny →
Usie naviny

«Vada z druhoha paviercha topić pieršy i traplaje ŭ lifty». Adzin z damoŭ u «Minsk-Śviecie» znoŭ papłyŭ3

Aŭtobus i mikraaŭtobus sutyknulisia ŭ Biarozaŭskim rajonie: 15 čałaviek paciarpieli

«Častku svajakoŭ ja adsiejała». Hamialčanka, jakaja žyvie ŭ Adesie, raspaviała pra adaptacyju da abstrełaŭ, ukrainskuju movu i svoj błoh8

Tramp zajaviŭ, što rakiety dla Patriot užo adpraŭleny va Ukrainu1

U Breście pierad 3 lipienia byli masavyja «previentyŭnyja» zatrymańni

«Viza nie pryznačanaja dla turyzmu». Biełarusa departavali z Polščy za «niametavuju» pajezdku ŭ Čechiju8

U Biełaruś prajezdam ź Jeŭropy zazirnuŭ prezident Indaniezii1

Siamihadovy chłopčyk naźbiraŭ amal 2 tysiačy rubloŭ za hod. Na što pojduć hrošy?2

Pucin adchilić ultymatum Trampa i rychtujecca da novaj eskałacyi va Ukrainie5

bolš čytanych navin
bolš łajkanych navin

Kiraŭnik Lidy zaklikaŭ siłavikoŭ nie spyniać palityčnyja represii

Kiraŭnik Lidy zaklikaŭ siłavikoŭ nie spyniać palityčnyja represii

Hałoŭnaje
Usie naviny →

Zaŭvaha:

 

 

 

 

Zakryć Paviedamić