Što ŭ im možna znajści?
U «Majaku Minska» zapracavaŭ samy bujny supiermarkiet sietki «Siem piatnic» — z prystaŭkaj XXL. Krama na 1100 «kvadrataŭ», piša «Točka».
Kampanija «Junistar hrup» abiacała ekskluziŭny asartymient, jaki nie znajści ŭ kankurentaŭ.
Čakać, što absalutna ŭsio na palicach budzie niejmaviernym ekskluzivam, nie varta: mnohija etykietki vy sustreniecie ŭ lubym inšym supiermarkiecie.
Ale jość na što padzivicca ŭ miasnym i rybnym adździełach. Tam vykładzieny kačyny kumpiačok za Br17, a krychu dalej — 70 h chamonu za amal takuju ž sumu.
U rybnym adździele adnych tolki stejkaŭ fareli pradstaŭlena niekalki vidaŭ. Zamarožany možna kupić za Br27, śviežy — za Br74, a vendžany abydziecca bolš čym u Br100 za kh.
Pradajecca tut jašče, naprykład, vialeny ščupak, kižuč i mnostva ŭsialakich morapraduktaŭ. Kamčacki krab kaštuje amal Br100.
Jość i pasta, za ŭpakoŭku jakoj daviadziecca zapłacić zvyš Br20.
Adkryvajučy kramu, uładalniki kazali pra toje, što raźličvajuć u pieršuju čarhu na pakupnikoŭ z Uručča, Novaj Baravoj, PVT, a asnoŭnymi naviedvalnikami stanuć žychary 10-tysiačnaha «Majaka Minska» i prylehłaha «Uschodu».
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary