«Heta budzie siensacyja, bo nichto takoha nie čakaŭ». Zdajecca, stała viadoma, čym budzie zajmacca Snycina
Mikałaj Chalezin u efiry Jeŭraradyjo anansavaŭ novuju premjeru — vosieńniu jon pradstavić śpiektakl u Ńju-Jorku. U hałoŭnaj roli pabačym viadomuju biełaruskuju spartoŭku, i zdajecca, my viedajem, pra kaho havorka.
Chalezin nazyvaje novy śpiektakl siensacyjnym, bo nichto takoha nie čakaŭ: «Heta budzie pieršy ŭ śviecie tranśfier spartoŭki ź vialikaha-vialikaha sportu na vielmi vialikuju teatralnuju scenu, heta budzie kruta.
My pisali scenar razam — hierainia, ja i maja žonka Nataša Kalada. Heta historyja žyćcia va ŭsich jaho biełaruskich vyjavach, kali čałaviek moža raskazać toje samaje, unutranaje, kali ty nie vybiraješ sa svajho žyćcia niejkija kavałki, a raskazvaješ usio – i svaje kašmary, i toje, jak ty žyŭ, što adbyvałasia z tvajoj krainaj i taboj, jak ty čahości damahaŭsia, łamaŭsia, svaje słabyja i mocnyja baki. Prosta sumlennaja razmova, jakoj nie chapaje».
Nazva śpiektakla — Small Forward («Lohki forvard»), papiaredniaja data premjery — 21 vieraśnia. Chalezin anansuje, što pastanoŭka projdzie ŭ adnym z kultavych teatraŭ Ńju-Jorka, na Bradviei.
Dalej płanujecca vialiki amierykanski i brytanski tur, i Chalezin upeŭnieny, što atrymajecca pryvieźci śpiektakl u Varšavu.
Mikałaj nazyvaje prajekt absalutna biełaruskaj historyjaj i zapeŭnivaje, što heta nie hutarka pra achviaru, nie viktymizacyja biełarusaŭ. Jon kaža, što ciapier bolš važna kazać, jakija biełarusy mocnyja, i što «kali nas vykidać u dźviery, my leziem u vakno».
Chalezin nie raskryvaje, chto vykanaje ŭ śpiektakli hałoŭnuju rolu. Ale ž niadaŭna skončyła karjeru baskietbalistka Kaciaryna Snycina, i jana pakul nie raskryvała, čym budzie zajmacca paśla vialikaha baskietbołu. Kaciaryna dobra znajomaja z Chalezinym i navat adyhrała svoj apošni prafiesijny matč u krasoŭkach, jakija jon joj padaryŭ.
«Naša Niva» — bastyjon biełaruščyny
PADTRYMAĆVialikaja hutarka z Chalezinym — jak prapanoŭvali adlot Łukašenku, pra Sańnikava i žurnalistyku 90-ch, teatr i hrošy
Kaciaryna Snycina vyjhrała apošni matč u karjery. Hulać jana vyjšła ŭ niezvyčajnych krasoŭkach
«Pačałosia šalenstva: usie žurnalisty — heta hebešniki». Chalezin raskazaŭ, čamu pasvaryŭsia z Sańnikavym
Ciapier čytajuć
Novym śpikieram Kaardynacyjnaj rady, chutčej za ŭsio, stanie Arciom Bruchan5
Kamientary
Ci Hierasimieńka, kali trener asabistaha rostu joj dazvolić.
Ŭ kožnym razie nadta prybytkovaja padzieja budzie, na bradvei viedajuć i lubiać bijatlanistak i basketbalistak ź Biełarusi. Jak i režysera Chalezina z sensacyjami, "bo ich nichto nie čakaje"