Rada biaśpieki źbirajecca vymiarać davier nasielnictva da Łukašenki
Dziaržaŭny sakratar Rady biaśpieki hienierał-lejtenant Alaksandr Valfovič raspavioŭ pra novyja kryteryi acenki ryzyk u śfiery palityčnaj biaśpieki.
Pavodle jaho słoŭ, zastałosia, jak i było raniej, piać indykataraŭ acenki palityčnaj biaśpieki. Adnak akramia ich majecca zvyš 25 kryteryjaŭ, jakija dajuć bolš realnuju karcinu.
«Naprykład, źjavilisia pracentnyja suadnosiny pa takich kryteryjach, jak davier nasielnictva da kiraŭnika dziaržavy, davier da orhanaŭ ułady i inšych instytutaŭ dziaržkiravańnia. Heta kankretnyja mietodyki, raspracavanyja na padstavie navukovych raspracovak», — kaža Valfovič.
Dziaržsakratar Rady Biaśpieki taksama dadaŭ, što ŭvieś čas analizujecca nie tolki situacyja ŭnutry krainy, ale i toje, što adbyvajecca za našymi miežami.
«Kryteryi acenki zamiežnapalityčnaj situacyi (toje, što adbyvajecca za miažoj, i tyja pahrozy, jakija farmujucca ŭ dačynieńni da našaj krainy) u palityčnaj śfiery za miežami miažy taksama ŭličvajucca», — dadaŭ jon.
Taksama novyja indykatary źjavilisia i ŭ novaj śfiery — bijałahičnaj biaśpieki. Pavodle Valfoviča, vyznačany piać stratehičnych napramkaŭ, pa jakich buduć vypracoŭvacca kankretnyja rašeńni. Kaardynataram vyznačana Ministerstva achovy zdaroŭja.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary