Vajna2121

«Połk — častka USU. Ni pra jakija ŭnutranyja kanflikty nie moža być i havorki». HUR patłumačyła situacyju z pałkom Kalinoŭskaha

Pradstaŭnik Hałoŭnaha ŭpraŭleńnia raźviedki Ministerstva abarony Ukrainy Andrej Čarniak u kamientary vydańniu «Lusterka» akreśliŭ pazicyju hetaha viedamstva adnosna situacyi, jakaja apošnim časam uźnikła ź biełaruskim pałkom Kalinoŭskaha. 

Andrej Čarniak jašče raz paćvierdziŭ źmieny ŭ kamandavańni pałka Kalinoŭskaha, što abaviazki kamandzira pałka ciapier vykonvaje Pavieł Šurmiej. Zaadno jon adkazaŭ i na inšyja pytańni:

— Ci praŭda, što novyja ŭmovy z boku vajskovaj čaści «źniščajuć sistemu rekrutynhu i pazbavili mahčymaści paŭnavartasnaha naboru dobraachvotnikaŭ», jak zajaŭlaje častka padraździaleńnia ŭ sacsietkach?

— Sapraŭdy, jość peŭnyja patrabavańni da ludziej, jakija prychodziać u padraździaleńni, jakija ŭvachodziać u skład Mižnarodnaha lehijona HUR MA Ukrainy. U nas jość sistema rekrutynhu, adboru, pravierak, i my nie možam dazvolić nabirać luboha. Ludzi pavinny prajści peŭnyja etapy pravierki. Heta narmalnaja praktyka — tut niama niejkaj siensacyi, — adkazaŭ Čarniak. —

Staronki ŭ sacyjalnych sietkach nie źjaŭlajucca aficyjnymi akaŭntami pałka Kalinoŭskaha. Dostup da ich znachodzicca ŭ niejkich pryvatnych asob, tamu publikacyi tam nie adlustroŭvajuć pazicyi farmavańnia.

— Čamu taja samastojnaść, jakaja pieršapačatkova była dadzienaja pałku Kalinoŭskaha, ciapier źmianšajecca?

— A što značyć samastojnaść vajskovaha padraździaleńnia, jakoje ŭvachodzić u skład Sił abarony Ukrainy? Kali my stvarajem vajskovaje padraździaleńnie, jano abaviazana dziejničać vyklučna ŭ ramkach zakona.

Tamu połk imia Kastusia Kalinoŭskaha, jaki ŭvachodzić u skład Mižnarodnaha lehijona HUR MAU, kirujecca i vykonvaje tyja ž zakony i praviły, jakija isnujuć dla ŭsich vajskoŭcaŭ Ukrainy. Pry hetym aŭtanomnaść u niekatorych aśpiektach unutranaj arhanizacyi pałka biełaruskich dobraachvotnikaŭ, jakaja nijak nie supiarečyć ukrainskamu zakanadaŭstvu, zachoŭvajecca.

— Połk praciahnie isnavać jak samastojnaje padraździaleńnie?

— Tak. Ale heta častka Sił abarony Ukrainy. Połk imia Kastusia Kalinoŭskaha — padraździaleńnie, jakoje, paŭtaru, uvachodzić u skład Mižnarodnaha lehijona HUR MAU. Takim čynam, na jaho raspaŭsiudžvajucca patrabavańni zakanadaŭstva Ukrainy i statutaŭ uzbrojenych sił.

— Možna skazać, što ciapier jość niejki kanflikt pamiž pałkom Kalinoŭskaha i kamandavańniem Mižnarodnaha lehijonu?

— My dziakujem i vysoka cenim uniosak kožnaha dobraachvotnika, jaki sa zbrojaj u rukach pryjšoŭ na dapamohu ŭkrainskamu narodu.

Chaču nahadać, što połk imia Kastusia Kalinoŭskaha ― heta vajskovaje padraździaleńnie Sił abarony Ukrainy, u jakim ni pra jakija ŭnutranyja kanflikty nie moža być i havorki.

Kamientary21

  • Josik
    25.07.2024
    Dyk što adbyvajecca ŭ PKK? Nie treba chvalavacca, PKK heta USU. I tak niekalki razoŭ. 84
  • daviedka
    25.07.2024
    Bojevyje potieri sriedi ličnoho sostava połka Kalinovskoho samyje nizkije v riadach HUR.
  • 25.07.2024
    [Red. vydalena]

Ciapier čytajuć

Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna51

Hramadstvaabmiarkoŭvajcie!51

Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna

Usie naviny →
Usie naviny

U Viciebsku pravasłaŭny śviatar adkryŭ čarhovuju sietkavuju kramu FOTAFAKT8

Jak biełaruski znatok prynios pieramohu telehledačam, hulajučy za hledačoŭ2

Paśla represij suprać redaktaraŭ biełaruskija raździeły Vikipiedyi bjuć antyrekordy16

Mytniki pierachapili hruz kantrabandy: ad makbukaŭ da bieśpiłotnikaŭ i vintovak2

Što heta za zahadkavy kvantavy tunel, za jaki siońnia dali Nobiela?1

Łatvija prypyniaje nierehularnyja aŭtobusnyja pajezdki ź Biełarusi i Rasii2

Čamu ŭ Minsku tak šmat rekłamy anłajn-kazino?32

Ihar Bokij atrymaŭ ad dziaržavy bolš za $1 miljon pryzavych — a ciapier vyrašyli, što jon zanadta zdarovy dla Paralimpijady14

Na čas zimovaj Alimpijady Italija zaprosić pieramirje dla ŭsich vojnaŭ, uklučna z Ukrainaj4

bolš čytanych navin
bolš łajkanych navin

Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna51

Hramadstvaabmiarkoŭvajcie!51

Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna

Hałoŭnaje
Usie naviny →

Zaŭvaha:

 

 

 

 

Zakryć Paviedamić