Kolki biełarusaŭ byli ŭ Jeŭropie za apošnija piać hadoŭ? Navat nie tracina
A šenhienskuju vizu majuć i taho mieniej.
Jak pakazała novaje apytańnie Chatham House, tolki kožny piaty biełarus (22%) za apošnija piać hadoŭ byŭ u ES. Pry hetym 37% tych, chto jeździŭ u Jeŭropu, rabili heta, kab naviedać svajakoŭ ci siabroŭ.
Admietna, što za apošnija piać hadoŭ amal pałova biełarusaŭ (45%) nie pakidali miežaŭ krainy. Kali havaryć pra astatnich, to najbolš časta jany naviedvali Rasiju (39%). Paśla iduć krainy Uschodniaj Jeŭropy (Polšča, Čechija i inšyja) — 14%. Amal adnolkavaja kolkaść naviedała Ukrainu i krainy Bałtyi (Litvu, Łatviju, Estoniju) — 11 i 10% adpaviedna. U Zachodniaj Jeŭropie było tolki 7% (u apytańni možna było abrać niekalki adkazaŭ).
Na momant apytańnia 7% respandentaŭ mieli vizu i stolki ž vykazali žadańnie zrabić jaje ŭ bližejšyja paŭhoda. Kožny druhi (48%) zajaviŭ, što vizy nie maje i jana jamu nie patrebnaja.
Jak pakazała apytańnie, biełarusy ličać Rasiju značna bolš adkrytaj dla ich, čym Jeŭropu. Z vykazvańniem «biełarusaŭ u krainach Jeŭropy nichto nie čakaje» pahadziłasia 45% apytanych (ź ich 14% całkam zhodnyja). A voś adnosna Rasii tak ličać tolki 16 %. Ź jakich 2% całkam zhodnyja.
Taksama biełarusy čaściej ličać, što ŭ Rasii, a nie ŭ Jeŭropie, jość dastupnyja adukacyjnyja i kulturnyja prahramy (38% suprać 26%).
Aŭtary dapuskajuć, što dystancyjanavańnie biełarusaŭ ad zachodniaj kultury moža być častkova źviazana ź nizkim vałodańniem zamiežnymi movami. Tak, tolki 4% apytanych skazali, što mohuć svabodna kamunikavać na anhlijskaj movie, i 12% — što mohuć padtrymać hutarku na bazavym, bytavym uzroŭni.
Cikava, što dla biełarusaŭ składana zrazumieć i palakaŭ. Tak, 35% apytanych skazali, što naŭrad ci zmahli b zrazumieć choć niešta na polskaj. Heta bolš, čym u vypadku anhlijskaj (31%). A voś pa-ŭkrainsku zmoh by pahavaryć kožny treci biełarus (30%), a ničoha nie zrazumieŭ by tolki kožny vośmy (13%).
***
Apytańnie Chatham House prachodziła z 28 červienia pa 3 lipienia 2024 hoda. Udzieł u im pryniali 827 respandentaŭ. Aŭtary adznačajuć, što vyniki abmiežavanyja haradskim nasielnictvam i karystalnikami internetu. Heta — a taksama faktar strachu — mahło krychu skazić karcinu.
Kamientary
Vsie łohično! V Raj prochodiat pri vchodie v kotoryj Duši vstriečajet Apostoł Pavieł kotoryj provieriajet dostojna li duša žiť v Raju.A v Ad vsiehda široko raspachnuty vorota!