«Pieraapranuli ŭ cyvilnaje adzieńnie, dali hrošy na darohu i adpravili preč». Jak palitviaźni vychodziać pa pamiłavańni
Za apošnija try miesiacy ŭ Biełarusi pa pamiłavańni ź miescaŭ niesvabody ahułam vyjšli minimum 115 palitviaźniaŭ, siarod jakich piensijaniery i ludzi z surjoznymi zachvorvańniami. Adzin z pamiłavanych raskazaŭ «Viaśnie» pra prapanovu napisać prašeńnie, pra pahrozy za admovu, pra dzień vyzvaleńnia i abmiežavańni na voli.
«U ich zastalisia ŭsie prysudy i apielacyi»
Ivan (imia źmienienaje ŭ metach biaśpieki) uzhadvaje, što napisać prašeńnie na pamiłavańnie jamu prapanavali za niekalki tydniaŭ da vyzvaleńnia. Mužčyna spačatku admoviŭsia, ale praź niekalki dzion jaho znoŭ vyklikali i patłumačyli, što ŭ vypadku admovy astatni termin «padasca jamu piekłam». Ivan znoŭ admoviŭsia, ale na nastupny dzień pierad im pakłali papieru i ručku i z pahrozami nastajali na napisańni prašeńnia.
Paśla hetaha ŭsio zacichła roŭna da dnia vyzvaleńnia.
«U toj dzień mianie zabrali z pramzony i adpuścili, pry hetym rečy, a samaje hałoŭnaje — dakumienty ŭsie, akramia pašparta i paśviedčańnia kiroŭcy, nie viarnuli. To-bok u ich zastalisia ŭsie prysudy, apielacyi i h. d. Hruba kažučy, pieraapranuli ŭ cyvilnaje adzieńnie, dali hrošy na darohu i charčavańnie, tyja hrošy, što byli na rachunku, i adpravili preč.
Ciabie zabiraje dniavalny štaba, pryvodzić u štab, tam «režymnik» zabiraje ciabie, idziacie ŭ pakoj pryjomu asudžanych, tudy prynosiać «usie tvaje rečy», pryčym rečy prynosiać raniej, čym ty prychodziš.
Kažuć: «Pieraapranajsia, zabiraj rečy», zatym vyvodziać da vychadu, tam sustrakaje načalnik kałonii, ty padpisvaješsia za vyzvaleńnie, tabie dajuć daviedku, viaduć da buchhałtarki, jana vydaje hrošy, i ciabie vyvodziać za bramu.
Pra vyzvaleńnie ja daviedaŭsia ŭ toj momant, kali mianie pryvioŭ dniavalny ŭ štab, da hetaha nichto ničoha nie kaža».
Pavodle słoŭ Ivana, Juryj Vaskrasienski abzvońvaŭ rodnych niekatorych źniavolenych i prapanoŭvaŭ im dać intervju.
Abmiežavańni paśla vyzvaleńnia
Paśla pamiłavańnia źniavolenym treba stać na ŭlik u kryminalna-vykanaŭčaj inśpiekcyi (KVI) i chadzić adznačacca raz na tydzień. Pry hetym vusna im paviedamlajuć, što ŭ vypadku, kali jany nie pracujuć, raz na tydzień musiać adpracavać vosiem hadzin na hramadskich rabotach. Sudzimaść paśla pamiłavańnia Ivanu nie źniali. Akramia hetaha, jamu pastavili zabaronu na vyjezd ź Biełarusi na termin, roŭny nieadbytamu terminu pakarańnia.
Z momantu vyzvaleńnia da Ivana adzin raz pryjechali supracoŭniki milicyi, pravieryli telefon na najaŭnaść «ekstremizmu». Skazali, kab jon «nie lez nikudy». Pry hetym, kaža surazmoŭca, byli karektnyja i vietlivyja.
Stali viadomyja imiony jašče 10 pamiłavanych palitviaźniaŭ
Vyzvaleńniem novaj hrupy palitviaźniaŭ Łukašenka pasyłaje jašče adzin sihnał. Kamu i navošta?
Stali viadomyja pieršyja piać proźviščaŭ palitviaźniaŭ, vyzvalenych pa novym pamiłavańni
Łatuška: Nie treba siabie padmanvać «pamiłavańniami» palitviaźniaŭ
Vyzvalenyja pa pamiłavańni Palina Pałavinka i Dźmitryj Łukša pierajechali ŭ Polšču
Pamiłavanyja jašče 37 palitviaźniaŭ
Kamientary