U Viciebsku zatrymali minskaha błohiera-prykalista Bulbanews, u jakoha 600 tysiač padpisčykaŭ u instahramie
U raskładzie suda Čyhunačnaha rajona adznačyłasia imia Vitala Alaksandraviča Chramcova.
Pad takimi źviestkami viadomy błohier Bulbanews, piša telehram-kanał «Viciebsk, ja hulaju».
Bulbanews maje ŭ instahramie 600 tysiač padpisčykaŭ. Heta nie palityčny kantent, a prykoły, praŭda, ź biełaruskim kałarytam.
Adzin z apošnich rolikaŭ — pra toje, jak Vital padklučyŭsia da vializnaha ekrana Galleria Minsk i pahulaŭ na im na prystaŭcy. Heta sabrała 580 tysiač łajkaŭ.
U sacsietkach błohier byŭ apošni raz u sieradu ŭviečary. Tamu vielmi vierahodna, što ŭsio ž mienavita jon trapiŭ pad dźvie administratyŭki pa pryjeździe ŭ Viciebsk — mužčynu pastavili ŭ vinu raspaŭsiud «ekstremizmu» i drobnaje chulihanstva.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary