Archieołahi suprać pabudovy na miescy chrama XII stahodździa ŭ Połacku kaplicy
Padmurki Kniažackaj carkvy XII stahodździa na Vierchnim zamku ŭ Połacku ŭ ciapierašni čas zakansiervavanyja i na ich nielha ničoha budavać biez dazvołu Ministerstva kultury, patłumačyŭ rasijskamu vydańniu Sputnik staršy navukovy supracoŭnik adździeła archieałohii Siarednich viakoŭ i Novaha času Instytuta historyi NANB Marat Klimaŭ.
Raniej stała viadoma, što na terytoryi kadeckaha vučylišča ŭ Połacku kiraŭnictva navučalnaj ustanovy płanuje stvaryć duchoŭny i aśvietnicki centr.
«U skład takoha centra buduć uvachodzić taksama muziej Połackaha kadeckaha korpusa, kaplica Archanioła Michaiła, jakaja budzie pabudavanaja na padmurku carkvy XII stahodździa. Tut budzie pravodzicca kompleks mierapryjemstvaŭ pa patryjatyčnym vychavańni», — cytuje kiraŭnika vučylišča Stanisłava Krasoŭskaha BiełTA.
Pa słovach historyka Marata Klimava, jaki kiravaŭ archieałahičnymi daśledavańniami na terytoryi Vierchniaha zamka, luboje budaŭnictva na miescy pomnika historyi pavinna atrymać dazvoł u Ministerstvie kultury.
«U Minkulcie pry atrymańni takoha zapytu pavinny źviarnucca pa ekśpiertyzu ŭ Instytut historyi. Ja mahu adnaznačna skazać, što budaŭnictva kaplicy pa—nad padmurkam Kniažackaj carkvy XII stahodździa nie tolki antynavukovaje, ale i antyzakonnaje», — padkreśliŭ Marat Klimaŭ.
Pry hetym jon adznačyŭ, što pierad budaŭnictvam Połackaha kadeckaha vučylišča na jaho terytoryi prajšli maštabnyja raskopki. U tym liku byli adkrytyja padmurki chrama, paśla čaho była praviedziena ich kansiervacyja.
Klimaŭ źviarnuŭ uvahu, što heta było zroblena dla taho, kab viarnucca da vyvučeńnia pomnika architektury paźniej.
«Takaja praca patrabuje značnych srodkaŭ i moža vieścisia na praciahu niekalkich hadoŭ. Prosta tak uziać i pačać na hetym miescy budaŭnictva nielha pa zakonie», — reziumavaŭ archieołah.
U jakaści stanoŭčaha prykładu archieołah pryvioŭ navukovyja daśledavańni terytoryi vakoł Spasa-Praabraženskaha chrama Spasa-Jeŭfrasińnieŭskaha manastyra.
Navukoŭcy miarkujuć, što Kniažackaja carkva była pabudavanaja ŭ 1170-ja hady. Jana ŭjaŭlała saboj adnahałovy šaścisłupovy chram z tryma babincami, u jakim padkupalnaja prastora zrušanaja na zachodnija słupy.
U Połacku na padmurkach chrama XII stahodździa pabudujuć kaplicu
Unikalnyja artefakty znoŭ znajšli na miescy byłoj zaharadnaj rezidencyi połackich kniazioŭ
Archieołahi śćviardžajuć, što staražytny horad na Miency ŭźnik u kancy X stahodździa
U raskopkach na Miency čarhovaja siensacyja: znajšli mohiłki XI stahodździa
Pryłady ź biełaruskaha Paazierja — najstaražytniejšyja va Uschodniaj Jeŭropie śviedčańni apracoŭki voŭny
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś1
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach12
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary
Prošli stoletija s momienta obrazovanija etoho "kadietskoho" učiliŝaHienie...iesť čiem hordiťsia! Hienieraliśsimusy,maršały i pročiaja šiełupień vychodili iz jeho stienJunie tak li?!