Ministr Markaŭ raskazaŭ, jak jaho dačka trapiła na telebačańnie
«U niejki momant my pryjšli da adzinaha mierkavańnia, što było b niadrenna, kab jana papracavała tam».
Dačka ministra infarmacyi, a ŭ minułym hiendyrektara ANT, Marata Markava nie tak daŭno debiutavała na telebačańni z palityčnaj prahramaj. Markaŭ raskazaŭ pra jaje vychavańnie ŭ prahramie «Sto pytańniaŭ darosłamu» na BT.
«Jana sama pryznaje, što ja navučyŭ jaje mnohim rečam, jakija joj byli cikavymi. Naprykład, hulać u biljard, šachmaty, nardy. My dastatkova šmat pravodzili času, zychodziačy z taho, kolki ŭ mianie jaho było svabodnaha», — padzialiŭsia ministr.
Markaŭ raskazvaje, što ciapierašniaja praca dački ŭ efiry ANT — ich ahulnaje žadańnie:
«U niejki momant my pryjšli da adzinaha mierkavańnia, što było b niadrenna, kab jana papracavała tam. I joj hetaja ideja vielmi padabałasia».
Markaŭ udakładniaje, što jaho dačka pracuje ŭ internet-dyrekcyi i viadzie svaju prahramu. «Ja byŭ bolš źviazany z telebačańniem. Joj bolš padabajecca pracavać u internecie. (…) Ja nie byŭ suprać».
Na pytańnie, jak heta — być načalnikam va ŭłasnaj dački, Markaŭ zaŭvažyŭ, što jon dla jaje byŭ «adnosnym načalnikam».
«Pamiž nami było dastatkova mnoha načalnikaŭ roznaha ŭzroŭniu na toj momant. Tamu my ź joj pa pracy praktyčna nie pierasiakalisia. Joj kiravali inšyja ludzi. A ja kiravaŭ hetymi ludźmi. Tak što, u pryncypie, usio było narmalna».
Markaŭ taksama raskazaŭ, što prysutničaje ŭ sacyjalnych sietkach — ale pad inšym imiem.
«Ciapier ja zarehistravany praktyčna va ŭsich sacyjalnych sietkach. Prosta kab nie być tam aktyŭnym, a hladzieć infarmacyju, skažam tak, ananimna», — raskazaŭ ministr infarmacyi.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ55
Kamientary
pryŭleč minisra za.. skažam tak
moža ad hrašy "majvo"