Hramadstva44

«Viedajem my vašy internety». Aktyvist pastaviŭ na polska-biełaruskaj miažy płakat ź infarmacyjaj ab represijach u Biełarusi

Biełaruski aktyvist Siarhiej Stalmakoŭ pravioŭ adzinočny pikiet na polska-biełaruskaj miažy. Z polskaha boku, prykładna za 30 mietraŭ ad šłahbauma, 19 kastryčnika jon ustanaviŭ płakat ź infarmacyjaj ab palityčnych spravach u Biełarusi. Takuju akcyju jon patłumačyŭ žadańniem painfarmavać biełarusaŭ ab tym, što adbyvajecca ŭ krainie, piša Most. 

Siarhiej Stalmakoŭ. Fota: archiŭ hieroja

«Papiaredžańnie. Vy zajazdžajecie ŭ Respubliku Biełaruś, dzie za 3 letnija miesiacy hetaha hoda trapili pad palityčnyja represii 468 čałaviek», — napisana na płakacie na ruskaj i anhlijskaj movach.

Pa polskim zakanadaŭstvie ŭzhadnieńnie adzinočnych pikietaŭ adbyvajecca pa paviedamlalnym pryncypie. Siarhiej raskazvaje, što zahadzia nakiravaŭ zajavu z ukazańniem daty i miesca pikietu ŭ miascovuju administracyju — užond.

Aktyvist kaža, što adnoj ź jahonych met było zrazumieć, ci vałodajuć biełarusy dakładnaj infarmacyjaj pra maštaby palityčnaha pieraśledu. Akazałasia, dla mnohich heta infarmacyja ŭ navinku.

— Brestaŭčanka intelihientnaha vyhladu pahladzieła na płakat, padyšła i kaža: «Heta voś stolki ludziej z 2020 hoda?» Ja kažu: «Vy ŭvažliva pačytajcie. Heta tolki za try letnija miesiacy». U jaje, viadoma, vočy… — raskazvaje Siarhiej.

Pavodle jaho słoŭ, mnohija biełarusy, jakija ŭ toj dzień viartalisia dadomu z Polščy, źviartali ŭvahu na płakat, abmiarkoŭvali jaho pamiž saboj, pryhadvali stalinskija represii. Niekatoryja fatahrafavali.

— Ja im kazaŭ: «Hladzicie, bolš aściarožna z hetymi zdymkami. Pry praviercy [telefona] za heta vam u Biełarusi mohuć prylacieć niepryjemnaści, — raspaviadaje jon.

«Viedajem my vašyja internety»

Adnak byli i turysty, jakija stavilisia da pikietu niehatyŭna. Siarhiej nazyvaje ich ludźmi «z elektaratu «Baćka — naš hieroj, baćka, my z taboj». Jany nie vieryli ŭ abjektyŭnaść hetaj infarmacyi i sprabavali jaje asprečvać:

— Adna žančyna na Audi havaryła pravakacyjna: «A vy što, asabista paličyli ŭsich ludziej? Adkul u vas danyja? Viedajem my vašyja internety», — uzhadvaje aktyvist. — [Takija ludzi ŭpeŭnienyja, što] kłasna žyviecca ŭ Biełarusi. Ale čamuści pa televizar, pralnuju mašynu i pyłasos jeduć u Polšču. Nie ŭźnikaje supiarečnaści.

Prablem z palicyjaj z-za akcyi nie było. Palicyjanty padychodzili da Siarhieja, pytalisia, ci ŭzhodnieny pikiet i kolki jon praciahniecca. I navat cikavilisia, ci nie kryŭdziać jaho. U vypadku kanfliktaŭ raili źviartacca da ich. Adnak hetaha nie spatrebiłasia.

Siarhiej ličyć, što takoha rodu likbiez turystam patrebny.

— Absalutna ŭpeŭnieny, što lubyja akcyi pa biesstarońnim infarmavańni nieabchodnyja. Tamu što infarmacyi ŭnutry krainy ŭ ich niama, — tłumačyć Siarhiej. Pavodle jaho padlikaŭ, za čas akcyi jamu ŭdałosia pryciahnuć uvahu niekalkich socień čałaviek da temy represij.

Kamientary4

  • Važnaja sprava, dziakuj
    21.10.2024
    Dziakuj vialiki aktyvistu Siarhieju Stalmakovu za hety pikiet.
    Pikiet pakazvaje, što infa niezaležnych śmi (zabłakavanych u Biełarusi) nie dachodzić da biełarusaŭ unutry Biełarusi.
    Za adzin pikiet bolš biełarusaŭ daznałasia pra masštab represij.
    Treba praciahvać takoje pikietavańnie.
  • Taksama palitzek
    21.10.2024
    politziek, Aha, zamiest taho kab u jabaciek była mahčymaść jechać u ES i vidavočki bačyć i takija płakaty, sustrakać inšych adekvatnych ludziej, uvohule mieć choć niejkuju mahčymaść vypaŭźci z toj burbałki ŭ jakuju ich pasadziŭ Łukašenka, vy prapanujecie ich addać całkam u jaho łapy. Boža moj miły, dzie vaš rozum... Supakojciesia, siadźcie, i chałodnym rozumam parazvažajecie ab nastupstvach taho što vy prapanujecie. Čałavieka možna zapeŭnić tolki luboŭju, siłaj ža možna tolki złamać, jak taho Pratasieviča. U vas havoryć nianaviść, ale ž złość drenny savietnik jak viadoma.
  • joy
    21.10.2024
    Taksama palitzek, jabaćki - jany takija jabaćki. Pokul ja była na chatniaj chimii, Adna z kiraŭnic majho pradpryjemstva, uvieś čas mnie pravodziła lekcyi, jak dobra žyviecca ŭ Biełarusi, a Polščy, kudy jana štomiesiac jeździć, usio vielmi drenna. Ničoha tam dobraha niama. I naohuł, u nas niama palityčnych viaźniaŭ (heta jana mnie havaryła asabista, viedajučy, što maja sprava palityčnaja, pryčym jana sapraŭdy tak ličyła). Dyk u mianie pytańnie: a navoršta polskaja dziaržava daje joj kartu palaka i biaspłatnyja vizy?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Zialenski prapanavaŭ pravieści trochbakovuju sustreču z Pucinym i Trampam

Šrajbman: Ciapierašnija kanflikty ŭ apazicyi ŭžo mała kaho cikaviać13

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku10

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu5

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić